7 JUNIE 2022 | BYGEWERK: 3 APRIL 2023
RUSLAND

JONGSTE NUUS – TRONKVONNISSE | Vertroue op Jehovah help broers om te volhard

SPEEL

Op 31 Maart 2023 het die Baboesjkinski-distrikshof van Moskou broer Ivan Tsjaikofski, Joeri Tsjernisjef, Witali Komarof, Sergei Sjatalof en Vardan Zakaryan skuldig bevind. Ivan, Joeri, Witali en Sergei is elkeen tot ses jaar en drie maande tronkstraf gevonnis. Vardan is tot vier jaar en drie maande tronkstraf gevonnis. Hulle is in die hof in hegtenis geneem.

Tydlyn

24 November 2020

Ten minste 20 huise van Jehovah se Getuies in Moskou word deur die Russiese owerhede deursoek. Ivan, Joeri, Witali en Sergei word na ’n tydelike detensiesentrum geneem en in alleenopsluiting geplaas. Filmspanne was daar toe Joeri se huis deursoek is en hy en sy gesin ondervra is. Beeldmateriaal is later op die Staat se televisienuuskanale uitgesaai
26 November 2020

Sergei word uit tydelike aanhouding vrygelaat en onder huisarres geplaas. Vardan, wat tydens die ondersoek in die hospitaal opgeneem is as gevolg van beserings wat hy opgedoen het, word na ’n tydelike detensiesentrum oorgeplaas waar hy in alleenopsluiting geplaas is
27 November 2020

Die hof het Ivan, Joeri en Witali uit die tydelike detensiesentrum vrygelaat en onder huisarres geplaas
30 November 2020

Die owerhede het Vardan uit tydelike aanhouding vrygelaat en onder huisarres geplaas. Daarna het hy ’n klag van onwettige geweld by die aanklaer se kantoor ingedien
16 Februarie 2022

Kriminele verhoor begin

Profiel

Witali Komarof

Gebore: 1976 (Moskou)

Agtergrond: Het as ’n direkteur by die Moskouse kantoor van die Russiese Televisie- en Radio-Uitsaainetwerk gewerk. Hou daarvan om met bye te boer

Trou met Jelena in 1999. Die vervulling van profesieë het hom oortuig dat die Bybel akkuraat is. Gedoop in 2003

Persoonlike kommentare

Watter lesse het jy gedurende hierdie moeilike tye geleer?

Net voordat ek in hegtenis geneem is, het ek na die video Young People Ask—What Will I Do With My Life? gekyk. Ek het veral die deel geniet waar die ouer broer die les wat hy in die konsentrasiekamp geleer het, met die jonger broer gedeel het. Hy het nie baie dinge nodig gehad nie. Met net sy bak en lepel kon hy eet en oorleef. Ek het geleer hoe waar hierdie les is op die tweede dag van my aanhouding. Ek was die hele dag lank in die hof en was eers teen 21:00 die aand terug in my sel, lank nadat aandete verby was. My selmaat het my sy beker gegee sodat ek die wagte ten minste vir ’n bietjie kookwater kon vra om tee te maak. Ek het onmiddellik aan die video gedink. Op daardie oomblik was ’n koppie tee belangriker as ’n kar of ’n selfoon, dinge wat ek voorheen gedink het ek baie nodig het.

Sergei Sjatalof

Gebore: 1969 (Stawropol, Stawropol-gebied)

Agtergrond: Het as ’n jongmens daarvan gehou om skaak, tafeltennis en vlugbal te speel. Het in die vloot gedien waar hy ’n besering opgedoen het wat hom gestremd gelaat het. Werk as ’n koerier

Hy en Jelena het in 1995 getrou, en hulle is albei later daardie jaar gedoop

Persoonlike kommentare

Wat gee jou die versekering dat Jehovah jou sal help om aan te hou om hierdie moeilike tye te verduur?

Ek is oortuig daarvan dat Jehovah God die gebede wat ons wêreldwye broederskap namens my doen, hoor. Hierdie oortuiging is nie net gebaseer op kennis van die Bybel nie, maar ook op die vreugde en vrede wat ek persoonlik ervaar.

Waarvoor het jy spesifiek gebid, en hoe het dit jou gehelp?

Ek het die hele tyd tot God gebid en hom gevra om my so moedig soos ’n leeu te maak. Op hierdie manier sou ek nie bang wees vir mense of vir enige iets negatiefs wat met my kon gebeur nie. Ek het ook vir my broers wat in die tronk is, en hulle gesinne gebid. Ek het ook gebid vir die broers wat nie self in die tronk is nie, maar wat soms deur situasies gaan wat net so uitdagend en moeilik is soos myne.

Dit moedig ons aan om te sien hoe Jehovah nader aan ons dierbare broers en hulle gesinne kom as gevolg van hulle volgehoue pogings om nader aan hom te kom. – Jakobus 4:8.

Jy sal dalk ook hiervan hou

NUUSBERIGTE

In die tronk weens hulle geloof – Rusland

Jehovah se Getuies in Rusland is in die tronk weens hulle geloof. Vind uit wat hulle geskiedenis is, en kry ’n lys van al die Getuies wat tans in die tronk is.

NUUSBERIGTE