6 MEI 2024 | BYGEWERK: 11 JULIE 2024
RUSLAND

JONGSTE NUUS – TRONKVONNISSE WORD GEGEE | ‘Jehovah het alles onder beheer’

SPEEL

Op 10 Julie 2024 het die Chorolski-distrikshof van die Primorje-gebied broer Boris Andrejef, broer Anatoli Li en suster Natalija Sjarapowa skuldig bevind. Boris is ’n tronkvonnis van ses jaar gegee, Anatoli ’n tronkvonnis van ses jaar en ses maande en Natalija ’n tronkvonnis van drie jaar . Al drie was alreeds in aanhouding voor hulle verhoor en sal in aanhouding bly.

Profiel

Boris Andrejef

Gebore: 1951 (Monastirisjtsje, Primorje-gebied)

Agtergrond: Het saam met nooddienste gewerk

Hy is oortuig dat hy die waarheid gevind het toe sy vrae direk uit die Bybel beantwoord is. Gedoop as een van Jehovah se Getuies in 2004

Trou met Aleksandra in 2020

Persoonlike kommentare van Boris se vrou, Aleksandra a

Hoe het jou man jou gehelp om hierdie moeilike tyd te verduur?

Ek onthou een spesifieke dag nadat Boris gearresteer is. Ek was so verpletter dat ek begin huil het. Ek het in ’n brief vir Boris vertel wat gebeur het en hoe ek voel. In sy antwoord het hy my vertroos en gesê dat hy verstaan hoe ek voel. Maar hy het my bowenal daaraan herinner hoe ons in die verlede moeilike tye deurgemaak het en hoe Jehovah ons gehelp het. Dit was net wat ek nodig gehad het, en dit het my nog meer oortuig dat Jehovah ons nooit sal verlaat nie.

Anatoli Li

Gebore: 1985 (Oesbekistan)

Agtergrond: Het na verskillende kerke toe gegaan, maar het nie antwoorde op sy vrae gekry nie. Het begin om saam met Jehovah se Getuies te studeer en was bly om die waarheid in die Bybel te leer. Gedoop in 2010

Trou met Raisa in 2011

Persoonlike kommentare van Anatoli se vrou, Raisa b

Hoe het jy en jou man Jehovah se ondersteuning gevoel?

Nie lank nadat Anatoli in ’n detensiesentrum voor sy verhoor geplaas is nie, het hy vir my gesê dat hy so bekommerd oor my is omdat ek alleen is. Voordat hy gearresteer is, het ons elke dag tyd saam aan geestelike bedrywighede spandeer. Maar hy was nie meer bekommerd toe hy hoor hoe Jehovah deur middel van die broers en susters in al my behoeftes voorsien nie. Ons het albei gesien hoe Jehovah werklik vir ons omgee en ons nooit sal verlaat nie.

Net soos Jehovah die gebede van Anatoli, Boris en Natalija verhoor het, kan ons oortuig wees dat hy sal aanhou om ons te beantwoord in moeilike tye en aan ons die krag sal gee om te volhard. – Psalm 20:1.

Tydlyn

28 Julie 2022

Kriminele saak word gemaak
6 Oktober 2022

Twaalf huise in die dorpie Jaroslafski word deursoek. Boris en Natalija word in ’n tydelike detensiesentrum geplaas
7 Oktober 2022

Boris en Natalija word na ’n detensiesentrum voor hulle verhoor oorgeplaas
12 Oktober 2022

Anatoli word in ’n tydelike detensiesentrum geplaas
13 Oktober 2022

Anatoli word na ’n detensiesentrum voor sy verhoor oorgeplaas
5 Oktober 2023

Kriminele verhoor begin

a b c Gedurende die voorbereiding van hierdie artikel was broer Andrejef, broer Li en suster Sjarapowa almal in aanhouding voor hulle verhoor en was dit nie moontlik om persoonlike kommentare by hulle te kry nie.

Sien ook

NUUSBERIGTE

In die tronk weens hulle geloof – Rusland

Jehovah se Getuies in Rusland is in die tronk weens hulle geloof. Vind uit wat hulle geskiedenis is, en kry ’n lys van al die Getuies wat tans in die tronk is.

NUUSBERIGTE