31 JANUARIE 2022 | BYGEWERK: 27 MAART 2023
RUSLAND

JONGSTE NUUS – VONNIS VERMINDER | Suster Ljoedmila Salikowa kry krag en vertroosting by Jehovah

SPEEL

Op 23 Maart 2023 het die Tsjeljabinsk-streekhof sy uitspraak gegee nadat suster Ljoedmila Salikowa vir ’n tweede keer geappelleer het. Die hof het haar opgeskorte tronkvonnis van ses jaar verminder na twee en ’n half jaar. Sy hoef nie op hierdie stadium tronk toe te gaan nie.

Op 17 Maart 2022 het die Tsjeljabinsk-streekhof Ljoedmila se appèl verwerp.

Op 20 Januarie 2022 het die Snezjinsk-stadshof van die Tsjeljabinsk-streek Ljoedmila skuldig bevind en haar ’n opgeskorte tronkvonnis van ses jaar gegee.

Tydlyn

November 2020

Polisiemanne in Snezjinsk deursoek die huise van vier Getuie-gesinne, wat Ljoedmila se huis insluit. Hulle het ook die plek waar sy werk, deursoek. As gevolg hiervan is sy gedwing om by haar werk te bedank.
26 Augustus 2021

’n Kriminele saak word teen Ljoedmila gemaak vir die organisering van vergaderinge van ’n godsdiensorganisasie en die invoer van lektuur wat verbied is
8 Desember 2021

Haar kriminele verhoor begin

Profiel

Ljoedmila Salikowa

Gebore: 1951 (Sysert)

Agtergrond: Trou in 1971. Het drie seuns grootgemaak. Haar man het in 2009 gesterf. Het as ’n energie-ingenieur vir die stad Snezjinsk gewerk. Geniet dit om te reis

Haar ouer suster het in 1999 begin om die Bybel te studeer. Ljoedmila het ses maande later by haar aangesluit. Het bevredigende antwoorde gekry oor die doel van die lewe en hoekom daar soveel ongeregtigheid, geweld en oorlog is. Gedoop in 2002

Persoonlike kommentare

Hoe het jou verhouding met Jehovah sterker geword gedurende hierdie moeilike tye?

Voordat die vervolging begin het, was ek dikwels krities oor myself en het ek gevoel dat ek van geen waarde vir Jehovah is nie . . . Die manier hoe ek dink, het nou verander, en dit het vir my makliker geword om myself te verseker dat dit nie die geval is nie. Jehovah het ook vir my die voorreg gegee om sy naam voor die hof hier in Snezjinsk te verheerlik. So, ek is nou vol vertroue dat Jehovah my liefhet en my vertrou. Ek beskou enige situasie wat Jehovah toelaat om te gebeur as ’n geleentheid om te wys dat hy kan aanhou om my te vertrou.

Is daar iets aanmoedigends wat ’n broer of suster gesê het, wat jou gehelp het om te volhard?

Voor die eerste verhoor het ek baie angstig gevoel . . . Ek het gebid: “. . . Gee my asseblief u heilige gees. Ek smeek u, Jehovah!” ’n Kort rukkie daarna het ek ’n teksboodskap van een van my susters gekry. Dit het gesê: “. . . ’n Toets van geloof werk soos ’n wasmasjien. Dit ‘draai, wring en gooi’ ons in die rondte. Maar as gevolg hiervan kom ons skoner en beter as tevore uit. Net soos klere in die rondte ‘gegooi en gedraai’ word terwyl dit was, kan die ondersoeke en die ondervragings ons oorweldig laat voel. Nietemin het hierdie bekommernisse en uitdagings jou selfs meer kosbaar in Jehovah se oë en ook in ons oë gemaak . . . Ons weet dat jy môreoggend nie net in die hof gaan wees nie, maar dat jy ook Jehovah se liefde en beskerming sal voel.” Ek het gevoel dat Jehovah my liewe suster gebruik het om vir my te wys hoe lief hy vir my is omdat hy geweet het in watter toestand ek is.

Ons broers en susters in Rusland hou aan om krag en vertroosting by Jehovah te vind. Ons liefdevolle God verseker ons dat hy “geregtigheid [sal] gee aan die weeskinders en dié wat verpletter is, sodat die sterflike mens van die aarde hulle nie meer sal bang maak nie”. – Psalm 10:18.

Jy sal dalk ook hiervan hou

NUUSBERIGTE

In die tronk weens hulle geloof – Rusland

Jehovah se Getuies in Rusland is in die tronk weens hulle geloof. Vind uit wat hulle geskiedenis is, en kry ’n lys van al die Getuies wat tans in die tronk is.

NUUSBERIGTE