4 JANUARIE 2022
RUSLAND

JONGSTE NUUS | Voorbereiding en hoop help broer Pjotr Kroepnof en sy vrou, Maja

SPEEL

Op 9 Maart 2022 het die Penza-streekhof broer Pjotr Kroepnof en sy vrou, Maja, se appèl verwerp. Hulle hoef nie op hierdie stadium tronk toe te gaan nie.

Tydlyn

30 Desember 2021

Die Nikolski-distrikshof van die Penza-streek het broer Pjotr Kroepnof en sy vrou, Maja, skuldig bevind en hulle ’n opgeskorte vonnis van drie jaar gegee. Hulle hoef nie op hierdie stadium tronk toe te gaan nie
25 Oktober 2021

Kriminele verhoor begin
12 Oktober 2021

Pjotr en Maja se name is bygesit op die lys van terroriste en ekstremiste omdat hulle godsdienspublikasies met hulle vriende bespreek het
15 September 2021

Kriminele saak teen Maja het begin. Pjotr is later as ’n beskuldigde by die saak gevoeg
11 Oktober 2020

Sekuriteitsbeamptes het die huise van vier gesinne van Jehovah se Getuies in Nikolsk deursoek, insluitende die Kroepnof-gesin se huis

Profiel

Pjotr Kroepnof

Gebore: 1963

Agtergrond: Werk as ’n loodgieter. Begin in 1996 om die Bybel saam met Jehovah se Getuies te studeer. Nadat hy ons publikasies gelees en die goeie gedrag van sy Bybelstudiehouer gesien het, was hy daarvan oortuig dat hy die waarheid gevind het. Hy is in 2002 gedoop

Het Maja by ’n gemeentelike vergadering ontmoet. Is in 2008 getroud

Persoonlike kommentare

Kan jy aan ’n tyd dink toe jy gevoel het dat Jehovah jou help?

Ek [onthou ’n tyd toe] ek vir heilige gees gebid het en toe ’n gedagte onthou het uit Johannes 10:28, waar dit sê: “Niemand sal hulle uit my hand ruk nie.” Dit het my sterk en gelukkig laat voel om oor daardie punt na te dink. Ek kon voel dat my Vader reg langs my was. Dit het my kalm laat voel en my meer vertroue gegee.

Wat help jou om te volhard?

Ek probeer onthou dat daar niks is wat vergelyk kan word met [die voorreg] om Jehovah te dien en die ewige lewe in die paradys te hê nie, maak nie saak hoe moeilik dinge dalk vir ons is nie. My liefde vir God en my naaste gee my die krag wat ek nodig het om te volhard.

Maja Kroepnowa

Gebore: 1957 (Atasoe, Kazakstan)

Agtergrond: Het as ’n bakker gewerk. Is nou afgetree en geniet dit om tuin te maak

Het die eerste keer by haar dogter van Jehovah se Getuies gehoor. Hulle is albei in 2001 gedoop

Persoonlike kommentare

Hoe het jy vir hierdie toetse voorberei?

Ek het begin voorberei toe ons broers en susters in [’n stad hier naby] gearresteer is. Ek het die Bybelboeke Ester en Jeremia gelees. . . . Ek het die nuusartikels op ons webwerf dopgehou en dit gelees en het ons liedjies uit my kop geleer. Ek het ’n “grypsak” vir noodgevalle gepak en ook ’n sak wat ek saam met my tronk toe kon vat. . . . Ek het gebid vir die wysheid en moed wat ek nodig sou hê om daardie toetse op ’n waardige manier te verduur.

Hoe is jy deur jou geestelike broers en susters ondersteun?

Almal het my soveel aangemoedig, veral toe ek dit regtig nodig gehad het. Gedurende ’n tyd toe ek emosioneel baie moeg was, het die broers en susters my gebel en vir my geskryf en my van hulle liefde verseker. . . . Ek het altyd geweet dat ek ’n groot, liefdevolle familie het. Maar vanaf 2020 het ek dit veral besef.

Ons waardeer die voorbeeld van Pjotr en Maja terwyl hulle hoop seker en vas is soos ’n anker en hulle op Jehovah vertrou. – Hebreërs 6:19.

Jy sal dalk ook hiervan hou

NUUSBERIGTE

In die tronk weens hulle geloof – Rusland

Jehovah se Getuies in Rusland is in die tronk weens hulle geloof. Vind uit wat hulle geskiedenis is, en kry ’n lys van al die Getuies wat tans in die tronk is.

NUUSBERIGTE