18 OKTOBER 2024
RUSLAND

‘Jehovah sal my beloon’

SPEEL

Die Wiselkofski-distrikshof van die Krasnodar-gebied sal binnekort sy uitspraak gee in die saak teen suster Wasilina Penskaja. Die aanklaer het nog nie ’n spesifieke vonnis aangevra nie.

Profiel

Wasilina Penskaja

Gebore: 1997 (Wiselki)

Agtergrond: Werk as ’n fyngebaksjef

Het by haar ma oor Jehovah se Getuies geleer. Wasilina het die Bybel se raad waardeer oor hoe om goeie vriende te kies. Gedoop in 2014

Trou met Dmitri in 2018

Wasilina se ma, suster Jelena Roemjantsewa, word in ’n aparte saak krimineel aangekla

Persoonlike kommentare

Wat help jou om jou geloof in Jehovah sterk te hou?

Wanneer jy vervolg word, voel jy dalk eensaam en dat jy nie sterk genoeg is om die situasie te hanteer nie. Ek weet dat ek baie mismoedig kan word en nie meer so ywerig in my aanbidding van Jehovah sal wees as ek op hierdie gevoelens fokus nie. Maar ek het persoonlik iets oor Jehovah ondervind wat my die krag gee om aan te gaan. Jehovah waardeer wat ons doen om hom te dien. Hy skuld my niks nie, maar hy sien en waardeer my pogings om hom te dien. Hy luister na my gebede, en deur middel van die vertroosting in sy Woord vee hy in ’n figuurlike sin my trane af. Wanneer ek bang is, beskerm hy my en gee hy my die kragtige ondersteuning van ons broers en susters. En wanneer ek die moed nodig het om sy naam te verdedig, gee hy my die krag om dit te doen. Baie van Jehovah se knegte word vervolg. Dit kan by die skool, by die werk of selfs by die huis gebeur. Ek is oortuig dat Jehovah my sal beloon, sowel as almal wat lojaal bly.

Ons is dankbaar om te weet dat Jehovah sien wanneer elkeen van sy knegte vervolg word en hulle verseker dat ‘daar ’n beloning vir hulle werk is’. – Jeremia 31:16.

Tydlyn

13 Februarie 2022

Huis word deursoek
23 Mei 2023

Kriminele saak word gemaak. Word daarvan aangekla dat sy die Bybel bespreek en deelneem aan die vreedsame godsdiensvergaderinge van Jehovah se Getuies. Bankrekeninge word gevries
18 Julie 2023

Word onder reisbeperkings geplaas
31 Januarie 2024

Kriminele verhoor begin

Sien ook

NUUSBERIGTE

In die tronk weens hulle geloof – Rusland

Jehovah se Getuies in Rusland is in die tronk weens hulle geloof. Vind uit wat hulle geskiedenis is, en kry ’n lys van al die Getuies wat tans in die tronk is.

NUUSBERIGTE