5 FEBRUARIE 2024
RUSLAND

“Laat jou weg aan Jehovah oor”

SPEEL

Die Sjadrinski-distrikshof van die Koergan-streek sal binnekort sy uitspraak gee in die saak teen broer Aleksandr Loebin. Die aanklaer het nog nie ’n spesifieke vonnis aangevra nie.

Profiel

Aleksandr Loebin

Gebore: 1956 (Ogonek, Koergan-streek)

Agtergrond: Het as ’n veiligheidsingenieur by ’n elektrisiteitsmaatskappy voor sy aftrede gewerk

Trou met Tatjana in Augustus 2001. Hulle het twee kinders

Tatjana het die Bybel saam met Jehovah se Getuies begin studeer. Nadat sy ’n beroerte gehad het, het Aleksandr die Bybel vir haar gelees en in die Bybel begin belangstel. Aleksandr, Tatjana en hulle twee kinders is almal in 2003 gedoop

Aleksandr lei aan gevorderde artritis in albei sy heupe, wat hom forseer om met ’n kierie te loop. Hy is ook met ’n outo-immuunsiekte gediagnoseer

Persoonlike kommentare

Wat het jou gehelp om teen ontmoediging te veg terwyl jy in die detensiesentrum voor jou verhoor was?

Dit was ’n groot uitdaging om in die detensiesentrum te wees. Ek was nie toegelaat om enige medikasie wat vir die geweldige pyn van my artritis help, te gebruik nie. Eers het ek tot Jehovah gebid en hom gevra om my te help om so gou as moontlik vrygelaat te word. Maar ek het hom later eerder gevra om my te help om geduldig te wees en om ’n kalm hart te hê. Ek het ook baie gebid vir die ander broers en susters wat in die tronk is. Ek het myself herinner: ‘Dit is net tydelik.’ Ek het toe op die seëninge gefokus wat ek van Jehovah af kry. Dit het my gehelp om vreugdevol te bly. Ek is uiteindelik uit die detensiesentrum vrygelaat. Psalm 37:5 het my aangemoedig: “Laat jou weg aan Jehovah oor. Vertrou op hom, en hy sal vir jou optree.” Ek is oortuig dat Jehovah nie sal toelaat dat ons getoets word met iets wat ons nie kan hanteer nie. Hy sal ons altyd help om ’n moeilike situasie te verduur so lank as wat ons op hom vertrou en heeltemal op hom staatmaak.

Ons is oortuig dat ons, soos Aleksandr, selfs in moeilike tye getrou kan volhard terwyl ons op Jehovah se ondersteuning vertrou. – Jesaja 38:14.

Tydlyn

13 Julie 2021

Kriminele saak word gemaak
14 Julie 2021

Agt huise van Jehovah se Getuies word deursoek. Aleksandr word gearresteer, ondervra en in ’n tydelike detensiesentrum geplaas
16 Julie 2021

Word na ’n detensiesentrum voor sy verhoor oorgeplaas
19 Julie 2021

Appèl word ingedien as gevolg van ernstige gesondheidstoestand
28 Augustus 2021

Ná ’n versoek van die Europese Hof van Menseregte en menseregte-aktiviste word Aleksandr vrygelaat en onder reisbeperkings geplaas
14 Julie 2023

Kriminele verhoor begin
7 September 2023

Verhoor uitgestel omdat Aleksandr gehospitaliseer is

Jy sal dalk ook hiervan hou

NUUSBERIGTE

In die tronk weens hulle geloof – Rusland

Jehovah se Getuies in Rusland is in die tronk weens hulle geloof. Vind uit wat hulle geskiedenis is, en kry ’n lys van al die Getuies wat tans in die tronk is.

NUUSBERIGTE