31 OKTOBER 2023
RUSLAND

“Moenie na die windstorm kyk nie”

SPEEL

Die Sowietski-distrikshof van Krasnodar sal binnekort sy uitspraak gee in die saak teen broer Aleksei Lelikof. Die aanklaer het nog nie ’n spesifieke vonnis aangevra nie.

Profiel

Aleksei Lelikof

Gebore: 1960 (Krasnodar, Krasnodar-gebied)

Agtergrond: Het as ’n musiekonderwyser gewerk

Trou met Irina in 1979. Hulle het ’n seun en ’n dogter

Aleksei en Irina was albei ateïste. Hy was teleurgesteld in menslike redenasies. Het die Bybel met Jehovah se Getuies as ’n gesin begin studeer. Is albei in 1994 gedoop

Persoonlike kommentare

Wat het jou gehelp om jou angstigheid te hanteer?

’n Paar maande nadat die ondersoek begin het, het ek besef dat ek dikwels bekommerd was oor wat gaan gebeur en selfs ’n bietjie jammer vir myself gevoel het. Ek was soos Petrus, wat na die windstorm begin kyk het (Matteus 14:30). Een aand het ek baie angstig gevoel. Ek het ernstig tot Jehovah begin bid en hom gesmeek om my ’n kalm hart te gee. Ek het daardie aand rustig geslaap. Maar die volgende oggend het ek weer baie angstig gevoel. Ek het weer gebid en hard gewerk om my denke te beheer. Ek het myself herinner: ‘Jehovah en Jesus is my vriende, en ek moet bewys dat ek hulle vriend is deur moedig en getrou te wees. Moenie bekommerd wees oor wat dalk môre sal gebeur nie. Moenie na die windstorm kyk nie.’ Dit is nou vir my duideliker as ooit tevore dat niemand vir ons vrede en kalmte kan gee soos Jehovah nie.

Wanneer ons die voorbeelde van volharding van ons broers en susters sien, versterk dit ons geloof in Jehovah se belofte om die “windstorm [te] bedaar” van die angstigheid wat ons deurmaak. – Psalm 107:28, 29.

Tydlyn

20 Januarie 2022

Kriminele saak word gemaak
28 Januarie 2022

Lelikof-gesin se huis word deursoek. Aleksei word geneem vir ondervraging en is weer dieselfde dag vrygelaat
16 Februarie 2023

Kriminele verhoor begin

Jy sal dalk ook hiervan hou

NUUSBERIGTE

In die tronk weens hulle geloof – Rusland

Jehovah se Getuies in Rusland is in die tronk weens hulle geloof. Vind uit wat hulle geskiedenis is, en kry ’n lys van al die Getuies wat tans in die tronk is.

NUUSBERIGTE