20 FEBRUARIE 2023
RUSLAND

‘So lank as wat Jehovah by my is, sal ek altyd veilig voel’

SPEEL

Op 17 Februarie 2023 het die Gorno-Altaiski-stadshof van die Republiek Altai broer Aleksandr Kalistratof skuldig bevind en hom ’n opgeskorte vonnis van ses en ’n half jaar gegee. Hy hoef nie op hierdie stadium tronk toe te gaan nie.

Profiel

Aleksandr Kalistratof

Gebore: 1976 (Bisk, Altai-gebied)

Agtergrond: Sy pa is oorlede toe hy drie was. Het gewerk as ’n kindersielkundige

Het in die teorie van evolusie geglo. Sy ma het die Bybel met Jehovah se Getuies begin studeer. Hy het gehou van die Bybel se duidelike beskrywing van die skepping

Gedoop in 1994. Het in 2020 met Joelija getrou

Was voorheen al twee keer krimineel aangekla. Die eerste keer in 2000 omdat hy geweier het om militêre diens te doen en weer in 2010 vir ekstremisme

Persoonlike kommentare

Watter lesse het jy geleer uit jou vorige aanhouding?

Die eerste keer toe ek krimineel aangekla was, het ek 21 dae in ’n detensiesentrum deurgebring, en ek het geen kontak met ander mense gehad nie. Ek het toe geleer om heeltemal op Jehovah te vertrou. Ek het besef dat so lank as wat Jehovah by my is, ek altyd veilig sal voel. As ek nou angstig voel oor die toekoms, onthou ek net hoe Jehovah in die verlede vir my gesorg het. En daarom is ek seker dat hy alles onder beheer het.

Watter Bybelverse versterk jou en jou vrou?

Tweede Samuel hoofstuk 22 het my en my vrou al baie kere gehelp. Vers 3 sê: “My God is my rots, by wie ek beskerming soek, my skild . . . , my veilige skuilplek en die plek waarheen ek kan vlug, my redder.” Voordat ons hof toe gaan, lees ons hierdie deel saam. Dit herinner ons dat Jehovah ons bron van krag is.

Ons is vas oortuig dat Jehovah die stemme van sy lojale knegte sal aanhou hoor wanneer hulle hom in angstige tye aanroep. – 2 Samuel 22:7.

Tydlyn

2000

Gearresteer omdat hy geweier het om militêre diens te doen. Is 21 dae in aanhouding voor sy verhoor geplaas. Was later vrygespreek
2010

Aangekla van ekstremisme. Die saak was twee keer aangehoor en uiteindelik na die Hooggeregshof van die Republiek Altai gestuur, waar hy vrygespreek is van alle aanklagtes
16 Desember 2021

Kriminele saak is gemaak
16 Januarie 2022

Polisiemanne deursoek vyf huise van Jehovah se Getuies in die Republiek Altai. FSB-beamptes het met geweld broer Kalistratof se huis ingegaan en Aleksandr vir ondervraging aangehou. Hy was later daardie aand vrygelaat en onder reisbeperkings geplaas
25 Augustus 2022

Kriminele verhoor begin

Jy sal dalk ook hiervan hou

NUUSBERIGTE

In die tronk weens hulle geloof – Rusland

Jehovah se Getuies in Rusland is in die tronk weens hulle geloof. Vind uit wat hulle geskiedenis is, en kry ’n lys van al die Getuies wat tans in die tronk is.

NUUSBERIGTE