30 JANUARIE 2024
RUSLAND

Suster Sona Olopova gevonnis tot twee jaar dwangarbeid in tronk

SPEEL

Op 25 Januarie 2024 het die Tsentralni-distrikshof van Toljatti in die Samara-streek suster Sona Olopova skuldig bevind en haar tot twee jaar dwangarbeid in ’n tronk gevonnis. Sy sal in die tronk moet bly en gemeenskapsdiens moet doen.

Profiel

Sona Olopova

Gebore: 1987 (Armenië)

Agtergrond: Gesin het na Rusland getrek toe sy tien jaar oud was. Het as ’n grimeerder gewerk

Het Bybelwaarhede by haar ma geleer. Gedoop as een van Jehovah se Getuies in 2000

Trou met Anatoli in 2009

Persoonlike kommentare a

Wat het jou gehelp om gedurende hierdie moeilike tyd jou geestelike balans te behou?

Ek moet erken dat daar tye was wanneer dit moeilik was om tyd vir die belangrikste dinge te kry. Byvoorbeeld, dit kan baie tyd vat om voor te brei om in die hof te verskyn. Eendag, terwyl ek besig was om deur die dokumente van my saak te lees, het ek gedink: ‘Ek moet stop, bid, my Bybel lees en eers na Jehovah luister. Dan sal ek klaar voorberei’. Ek is oortuig dat as ek na die belangrikste dinge eerste omsien en heeltemal op Jehovah vertrou, dinge altyd goed sal uitwerk.

Ons is oortuig dat Jehovah sal aanhou om liefdevolle leiding en beskerming aan Sona en al sy getroue knegte te voorsien wat aanhou om op hom te vertrou. – Psalm 86:2.

Tydlyn

15 Mei 2023

Kriminele saak word gemaak
16 Mei 2023

Huis word deursoek. Word ondervra en onder reisbeperkings geplaas
6 September 2023

Kriminele verhoor begin
25 Januarie 2024

Word skuldig bevind en tot twee jaar dwangarbeid in ’n tronk gevonnis

a Die onderhoud met suster Olopova is gehou voordat sy gevonnis is.

Sien ook

NUUSBERIGTE

In die tronk weens hulle geloof – Rusland

Jehovah se Getuies in Rusland is in die tronk weens hulle geloof. Vind uit wat hulle geskiedenis is, en kry ’n lys van al die Getuies wat tans in die tronk is.

NUUSBERIGTE