18 AUGUSTUS 2021
RUSLAND

Suster Wiktorija Werchotoerowa behou haar vreugde al kan sy skuldig bevind word

SPEEL

Tydlyn

Op 29 November 2021 het die Priokski-distrikshof van Nizjni Nowgorod suster Wiktorija Werchotoerowa skuldig bevind en haar ’n opgeskorte tronkvonnis van vier jaar gegee. Sy hoef nie op hierdie stadium tronk toe te gaan nie
17 Julie 2020

Reisbeperkings is op Wiktorija geplaas
26 Maart 2020

’n Kriminele saak is teen Wiktorija gemaak
17 Julie 2019

Tien polisiemanne, tesame met die speurder, het haar huis vyf uur lank deursoek. Hulle het Wiktorija en haar man, Sergei, in aparte kamers gehou. Die polisiemanne het Wiktorija probeer bang maak deur vir haar te beskryf hoe aaklig die toestande in die tronk is

Profiel

Wiktorija Werchotoerowa

Gebore: 1976 (Oesbekistan)

Agtergrond: Jongste van drie dogters. Werk as ’n verpleegster. Hou daarvan om te swem en te stap

Toe sy ’n kind was, het sy baie gedink oor hoe kort die lewe is, en sy was bang vir die dood. Het die Bybel met Jehovah se Getuies begin studeer nadat sy ’n prent gesien het van die Bybel se belofte van ’n paradys en geleer het dat die dood weggeneem sal word. Is in 1998 gedoop. Het in 2001 met Sergei getrou

Persoonlike kommentare

Wat het jou gehelp om jou vreugde te behou en om nie deur angstigheid oorweldig te word nie?

Ons het elke dag die Bybel gelees en die dagteks gestudeer, maar ons het ook baie na die Broadcasting-liedjies begin luister. Ek het ook ’n punt daarvan gemaak om elke dag te bid vir vreugde en om my vyande lief te hê. As gevolg hiervan bly ek vreugdevol.

Hoe het jou verhouding met Jehovah sterker geword as gevolg van hierdie ondervinding?

Jehovah het selfs nog werkliker vir my geword. Hy is ’n liefdevolle Vader wat omgee. Ek sien hoe hy vir my en my man ondersteun. Ek bid en voel dat ons Vader by ons is wanneer ons in die hof is. Ek is kalm en het selfvertroue.

Is daar enige Bybeltekste wat jou gehelp het om met vreugde te volhard?

Psalm 118:6, 7. Hierdie verse herinner my daaraan dat ons teenstanders magteloos is in vergelyking met die Groot Skepper van die heelal. Hy het alles onder beheer, en mense kan niks doen om te keer dat sy wil gebeur nie. Ek is veilig in God se arms!

Ten spyte van vervolging bly ons broers en susters in Rusland vreugdevol met Jehovah se hulp. Ons weet dat hy sal aanhou om vir hulle “vreugde en vrede” te gee. – Romeine 15:13.

Jy sal dalk ook hiervan hou

NUUSBERIGTE

In die tronk weens hulle geloof – Rusland

Jehovah se Getuies in Rusland is in die tronk weens hulle geloof. Vind uit wat hulle geskiedenis is, en kry ’n lys van al die Getuies wat tans in die tronk is.

NUUSBERIGTE