10 AUGUSTUS 2023
RUSLAND

Vasbeslote om vreugdevol te bly ten spyte van vervolging

SPEEL

Die Siktifkarski-stadshof van die Republiek van Komi sal binnekort sy uitspraak gee teen broer Aleksandr Ketof, Andrei Charlamof, Aleksandr Kroegljakof, suster Lidija Nekrasowa en broer Sergei Oesjachin. Die aanklaer het nog nie ’n spesifieke vonnis aangevra nie.

Profiel

Andrei Charlamof

Gebore: 1971 (Siktifkar)

Agtergrond: Werk as ’n verhittingsingenieur

Trou met Larisa in 1990

’n Medewerker het met hom oor die Bybel begin praat. Het gesien hoe die toepassing van Bybelbeginsels sy lewe verbeter het. Andrei en Larisa is altwee gedoop in 1994

Persoonlike kommentare

Wat help jou om te volhard?

Elke uitdaging gee my die geleentheid om nader aan Jehovah te kom. Nadat ek krimineel aangekla is, was daar tye wat ek gevoel het dat ek nie sal kan volhard nie. Soos die tyd verbygegaan het, het ek gesien hoe Jehovah my op ’n baie spesiale manier gehelp het. Jehovah het ander gebruik om my aan te moedig. Ek is oortuig dat Jehovah by my is en dat hy my in sy arms dra. Dit herinner my aan die woorde in Jakobus 5:11: “Ons noem dié wat volhard het, gelukkig. Julle het gehoor van die volharding van Job en het gesien hoe Jehovah dit laat afloop het, dat Jehovah baie liefdevol en genadig is.” Omdat ek persoonlik Jehovah se liefdevolle sorg ondervind het, is ek meer vasbeslote om vir hom te wys dat ek vir hom lief is en om getrou te bly.

Aleksandr Kroegljakof

Gebore: 1979 (Oechta, Republiek van Komi)

Agtergrond: Werk as ’n eiendomsagent

Het die Bybel as ’n tiener begin lees. Het begin om die Bybel met Jehovah se Getuies te studeer, en dit het hom gehelp om op te hou om alkohol en dwelms te misbruik. Gedoop in 2000

Trou met Tatjana in 2005

Persoonlike kommentare

Wat motiveer jou om aan te hou getuig ten spyte van vervolging?

In Lukas 21:12, 13 het Jesus voorspel dat sy volgelinge vervolg sou word, in die tronk gegooi sou word en voor die owerhede gebring sou word. Maar hy het ook gesê: “Dit sal daartoe lei dat julle ’n getuienis gee.” Ek het gedink oor hoe skaam ek sou voel as ek in die tronk gesit het en teruggedink het aan ’n tyd toe ek die geleentheid gehad het om ander oor die waarheid te vertel en dit nie gedoen het nie. Daarom het ek ’n doelwit gestel om met soveel regeringsamptenare moontlik te praat. Ek verduidelik dikwels die ooreenkomste tussen hulle werk en ons werk. Elkeen van ons probeer om die gemeenskap te verbeter. Hulle doen dit deur misdadigers uit die gemeenskap te verwyder. Maar die probleem is dat mense dikwels weer slegte dinge doen nadat hulle uit die tronk kom. Aan die hand van die Bybel help ons mense om permanente veranderinge aan hulle lewe te maak en om tot ’n vreedsame gemeenskap by te dra.

Lidija Nekrasowa

Gebore: 1953 (Koeratowo, Republiek van Komi)

Agtergrond: Het as ’n onderwyser en ’n verpleegster-assistent gewerk. Het drie seuns grootgemaak

Het die Bybel in 1993 begin studeer. Is vertroos om oor God se baie eienskappe, insluitende geregtigheid, te leer. Gedoop in 1997

Persoonlike kommentare

Wat help jou om hierdie probleme met vreugde te verduur?

My broers en susters is ’n liefdevolle geskenk van God! Ek sien duidelik hoeveel ons mekaar nodig het. Die ondersteuning en hulp wat hulle my gegee het, maak my meer vasbeslote om nie te mismoedig te word nie. Omdat ek op my liefde vir Jehovah fokus en graag diegene wil ondersteun wat in die tronk of in aanhouding is, motiveer dit my om aan te hou om my deel te doen. Ek voel hoe Jehovah se gees my help, en daarom beskou ek myself as sy gelukkige kneg.

Sergei Oesjachin

Gebore: 1961 (Pinjoeg, Kirof-streek)

Agtergrond: Werk by ’n papierfabriek

Het in 1987 met Natalija getrou. Hulle het ’n seun en ’n dogter

Is aan Jehovah se Getuies voorgestel toe sy ma die Bybel begin studeer het. Omdat hy antwoorde direk uit die Bybel op sy vrae gekry het, het dit hom oortuig dat hy die waarheid gevind het. Is in 1999 gedoop. Natalija is in 2005 gedoop

Persoonlike kommentare

Wat het jou gehelp om positief te bly?

Wanneer jy mismoedig voel, is dit normaal om fisies swak te voel en om ’n negatiewe gesindheid te hê. Gebed, om die Bybel te lees en om tyd saam met my broers en susters deur te bring, help my om ’n positiewe gesindheid te behou. Ek bid spesifiek tot Jehovah om my te help om ander aan te moedig, veral ons baie ouer broers en susters. Om hulle te help om ’n positiewe beskouing te hê oor die werklikhede van die lewe in hierdie stelsel en om woorde van aanmoediging met hulle te deel, maak my baie bly. Ek voel so bevoorreg om op hierdie manier deur Jehovah gebruik te word.

Soos hierdie ondervindinge wys, “versterk” Jehovah ons broers en susters wat gedurende moeilike tye volhard en help hy hulle om getrou te bly. – Jesaja 40:29.

Tydlyn

2 Maart 2021

Huise van ten minste 14 gesinne van Jehovah se Getuies word in Siktifkar deursoek. Aleksandr Ketof, Andrei Charlamof en Aleksandr Kroegljakof word in tydelike aanhouding geplaas. Lidija Nekrasowa en Sergei Oesjachin word onder reisbeperkings geplaas
3 Maart 2021

Aleksandr Ketof en Andrei Charlamof word uit tydelike aanhouding vrygelaat en onder huisarres geplaas. Aleksandr Kroegljakof word in aanhouding voor sy verhoor geplaas
27 April 2021

Andrei Charlamof word uit huisarres vrygelaat
28 April 2021

Aleksandr Ketof word uit huisarres vrygelaat, en Aleksandr Kroegljakof word uit aanhouding voor sy verhoor vrygelaat
19 April 2022

Kriminele verhoor begin
9 Junie 2022

Regter het gesê dat daar nie genoeg bewyse van ekstremisme is nie en verwys die saak terug na die aanklaer
14 Februarie 2023

Kriminele verhoor begin weer met ’n nuwe regter

Jy sal dalk ook hiervan hou

NUUSBERIGTE

In die tronk weens hulle geloof – Rusland

Jehovah se Getuies in Rusland is in die tronk weens hulle geloof. Vind uit wat hulle geskiedenis is, en kry ’n lys van al die Getuies wat tans in die tronk is.

NUUSBERIGTE