21 NOVEMBER 2023
RUSLAND

Vier Getuies kry opgeskorte vonnisse in Toela, Rusland

SPEEL

Op 20 November 2023 het die Proletarski-distrikshof van Toela broer Jefgeni Godoenof en Goerami Labadze en suster Joelija Popkowa en Anzjela Poetifskaja skuldig bevind. Jefgeni en Goerami het elkeen ’n opgeskorte tronkvonnis van ses jaar en ses maande ontvang. Joelija en Anzjela het elkeen ’n opgeskorte tronkvonnis van twee jaar en ses maande ontvang. Hulle hoef nie op hierdie stadium tronk toe te gaan nie.

Profiel

Goerami Labadze

Gebore: 1963 (Nigwzara, Georgië)

Agtergrond: Het as ’n werktuigkundige en taxibestuurder gewerk

Het oor Jehovah se Getuies by sy ma en ouer suster geleer. Het die goeie resultate daarvan gesien om Bybelbeginsels in sy lewe toe te pas. Is beïndruk deur die liefde onder Jehovah se Getuies. Gedoop in 1996

Trou met Galina in 1995. Hulle het een seun

Persoonlike kommentare

Waarom was dit vir jou moeilik om hulp van ander te aanvaar?

Aan die begin was dit vir my moeilik omdat ek geweet het dat baie van my broers wat my gehelp het, self nie baie gehad het nie. Maar ek het gedink aan Jesus se woorde: “Dit maak ’n mens gelukkiger om te gee as om te ontvang” (Handelinge 20:35). Ek het besef dat ek my broers en susters moet toelaat om te gee omdat ek wil hê dat hulle gelukkig moet wees. Ek het gedink: ‘Hoe sou die arm weduwee gevoel het as Jesus, omdat hy vir haar jammer gevoel het, gesê het dat sy haar twee muntstukkies vir haarself moes hou?’ (Markus 12:41-44). Ek is baie dankbaar vir hoe goed die broers vir my gesorg het. Hierdie ongewone omstandighede het my nader aan Jehovah laat kom. Ek lees nie net iemand anders se storie nie. Ek ervaar sy ondersteuning persoonlik.

Joelija Popkowa

Gebore: 1978 (Bogoroditsk, Toela-streek)

Agtergrond: Het by ’n dagsorgsentrum gewerk

’n Klasmaat het haar genooi om ’n vergadering van Jehovah se Getuies by te woon. Het die Bybel begin studeer en geleer om Jehovah as ’n liefdevolle Vader te sien. Gedoop in 1999

Persoonlike kommentare

Hoe het jou verhouding met Jehovah jou gehelp terwyl jy voor jou verhoor in die detensiesentrum was?

Toe ek by die detensiesentrum aangekom het, was dit duidelik dat die waardevolste ding wat ek gehad het, my verhouding met Jehovah was. Om net besig te wees met geestelike bedrywighede is nie dieselfde as om ’n verhouding met Jehovah op te bou nie. Omdat ek hard daaraan gewerk het om hierdie verhouding voor die moeilike tye op te bou, kon ek dit as ’n spesiale geleentheid sien om vir Jehovah te bewys dat ek ’n getroue en lojale vriend van hom wil wees. Omdat ek weet hoeveel hy my lojaliteit waardeer, het dit my meer vasbeslote gemaak om lojaal aan hom te bly. In werklikheid is daar net een ding waarvoor ek bang is, en dit is dat ek Jehovah sal teleurstel.

Die voorbeelde van hierdie broers en susters oortuig ons dat ons ook vertroosting en hoop kan vind as ons op Jehovah vertrou en die voorbeelde van geloof wat in die Bybel is, navolg. – Romeine 15:4.

Tydlyn

25 Maart 2021

Kriminele saak word gemaak
13 April 2021

Huise word deursoek. Anzjela en Joelija word in aanhouding geplaas
14 April 2021

Anzjela en Joelija word voor hulle verhoor na ’n detensiesentrum gestuur. Jefgeni word aangehou en aangekla. Goerami word onder huisarres geplaas
16 April 2021

Jefgeni word voor sy verhoor na ’n detensiesentrum gestuur
20 Mei 2021

Anzjela, Jefgeni en Joelija word voor hulle verhoor uit aanhouding vrygelaat en onder huisarres geplaas
22 Julie 2021

Anzjela, Jefgeni en Joelija word uit huisarres vrygelaat en onder reisbeperkings geplaas
23 Julie 2021

Goerami word uit huisarres vrygelaat en onder reisbeperkings geplaas
11 Mei 2023

Kriminele verhoor begin
20 November 2023

Word skuldig bevind en opgeskorte tronkvonnisse gegee

Sien ook

NUUSBERIGTE

In die tronk weens hulle geloof – Rusland

Jehovah se Getuies in Rusland is in die tronk weens hulle geloof. Vind uit wat hulle geskiedenis is, en kry ’n lys van al die Getuies wat tans in die tronk is.

NUUSBERIGTE