22 MEI 2023
RUSLAND

‘Vrees is ’n reaksie, maar moed is ’n keuse’

SPEEL

Op 24 Maart 2023 het die Zjeleznodorozjni-distrikshof van Krasnojarsk sy uitspraak gegee in die saak teen suster Natalija Woropaewa. Sy is ’n boete van 360 000 roebel (amper R83 000) gegee.

Profiel

Natalija Woropaewa

Gebore: 1971 (Krasnojarsk)

Agtergrond: Werk as ’n haarkapster

Het gewonder hoekom daar so baie swaarkry in die wêreld is as God bestaan. Jehovah se Getuies het haar die Bybel se antwoorde op haar vrae gewys. Gedoop in 1996

Persoonlike kommentare

Hoe het die broers en susters jou ondersteun?

In sy finale woorde voor die hof het broer Feliks Machammadijef gesê: “Om sonder vriende te lewe sou wees soos om sonder sonlig te lewe.” Ek stem heeltemal daarmee saam. My vriende was nog altyd soos lig en warmte vir my. Gedurende die ondersoek het ek geval en my been gebreek. My been was twee maande lank in gips ná my operasie. My broers en susters het my gehelp met vervoer, vir my inkopies gedoen, vir my kos gemaak en alles gedoen wat hulle kon om my aan te moedig en te help. En meer as 100 van hulle het my kom ondersteun toe ek gevonnis is. Ek is baie dankbaar dat Jehovah my sulke wonderlike vriende gegee het. Hulle ondersteuning herinner my daaraan dat niks Jehovah kan keer om te wys dat hy my liefhet nie.

Wat het jy geleer as gevolg van hierdie ondervinding?

Ek het besef dat vrees ’n reaksie is, maar dat moed ’n keuse is. En my moed raak al hoe sterker omdat ek weet dat ek Jehovah se goedkeuring het. Terwyl ek aanhou om my verhouding met Jehovah te versterk en elke dag sy Woord lees, kan ek duidelik sien hoe hy my help. Dit oortuig my dat Jehovah my altyd sal ondersteun.

Soos Natalija is ons ook vasbeslote om “goeie moed [te] hou en [te] sê: ‘Jehovah is my helper. Ek sal nie bang wees nie.’” – Hebreërs 13:6.

Tydlyn

November 2017 – November 2020

Word dopgehou en woonstel word deursoek. Word ondervra as deel van die ondersoek teen broer Andrei Stoepnikof
5 September 2022

Kriminele saak word gemaak
6 September 2022

Word onder reisbeperkings geplaas
20 Oktober 2022

Word krimineel aangekla
27 Februarie 2023

Kriminele verhoor begin
24 Maart 2023

Kry ’n boete van 360 000 roebel (amper R83 000)

Jy sal dalk ook hiervan hou

NUUSBERIGTE

In die tronk weens hulle geloof – Rusland

Jehovah se Getuies in Rusland is in die tronk weens hulle geloof. Vind uit wat hulle geskiedenis is, en kry ’n lys van al die Getuies wat tans in die tronk is.

NUUSBERIGTE