25 APRIL 2023
RUSLAND

“Vreugde gee my die krag om Jehovah te bly dien”

SPEEL

Die Zawodski-distrikshof van Kemerowo sal binnekort sy uitspraak gee in die saak teen broer Wladimir Baikalof. Die aanklaer het nog nie ’n spesifieke vonnis aangevra nie.

Profiel

Wladimir Baikalof

Gebore: 1963 (Krapiwinski, Kemerowo-streek)

Agtergrond: Was ’n professionele bokser voordat hy een van Jehovah se Getuies geword het. Het later as ’n sportafrigter gewerk en was die bestuurder van ’n sportstadion

Trou met Irina in 1984. Hulle het ’n seun en ’n dogter grootgemaak

Irina het die Bybel in 1995 begin studeer en is in 1996 gedoop. Wladimir het gesien watter positiewe uitwerking dit op die gesin het as Bybelbeginsels toegepas word. Toe Wladimir sy sportloopbaan ná ’n besering moes opgee, het hy oor sy lewe gedink en die Bybel begin studeer. Is in 1999 gedoop

Persoonlike kommentare

Watter eienskap help jou om te volhard?

Vreugde gee my die krag om Jehovah te bly dien en keer dat ek my motivering verloor. So ek doen alles wat ek kan om my vreugde te behou deur besig te bly in Jehovah se diens. En ek dink natuurlik na oor die wonderlike toekoms wat Jehovah belowe het. Deur dit te doen, bly ek vreugdevol al is ek in die hof.

Watter Bybelteks het jou vertroos?

In Markus 13:11 het Jesus verduidelik wat ons moet doen wanneer ons voor hofamptenare gebring word: “[Moenie] vooraf bekommerd wees oor wat julle sal sê nie, maar julle moet sê wat ook al in daardie uur aan julle gegee word, want dit is nie julle wat praat nie, dit is die heilige gees.” Gedurende my eerste verhoor het die regter my die geleentheid gegee om myself te verdedig. Die atmosfeer was baie gespanne. Met die hulp van Jehovah se gees kon ek voor die hof op ’n kalm en respekvolle manier praat. Ek kon voel dat Jehovah my gebede beantwoord deur my moedig en vasbeslote te maak.

Ons is oortuig dat Jehovah sal aanhou om al sy getroue knegte te versterk sodat hulle moeilike tye met vreugde kan verduur. – Jakobus 1:2, 3.

Tydlyn

2 Februarie 2022

Kriminele saak word gemaak
3 Februarie 2022

Woonstel word deursoek
26 Oktober 2022

Word aangekla en onder reisbeperkings geplaas
30 November 2022

Kriminele verhoor begin

Sien ook

NUUSBERIGTE

In die tronk weens hulle geloof – Rusland

Jehovah se Getuies in Rusland is in die tronk weens hulle geloof. Vind uit wat hulle geskiedenis is, en kry ’n lys van al die Getuies wat tans in die tronk is.

NUUSBERIGTE