29 NOVEMBER 2023
RUSLAND

Vyf broers deur Russiese hof in Saratof-streek skuldig bevind

SPEEL

Op 23 November 2023 het die Balakofski-distrikshof van die Saratof-streek sy uitspraak gegee in die saak teen broer Aleksei Bogatof, Jefgeni Fomasjin, Wladimir Mawrin, Andrei Moeritsj en Sergei Tjoerin. Al vyf broers is skuldig bevind. Aleksei en Wladimir het elkeen ’n opgeskorte tronkvonnis van ses jaar gekry. Andrei, Sergei en Jefgeni het elkeen ’n boete van 300 000 roebel (meer as R63 000) gekry. Nie een van die broers hoef op hierdie stadium tronk toe te gaan nie.

Profiel

Aleksei Bogatof

Gebore: 1960 (Bakloesji, Oeljanowsk-streek)

Agtergrond: Het as ’n ambulansbestuurder gewerk

Trou met Ljoebof in 1982. Het drie seuns grootgemaak

Om die Bybel saam met Jehovah se Getuies te studeer, het hom gehelp om te verstaan hoe God se Koninkryk geregtigheid vir almal sal bring. Gedoop in 1994

Persoonlike kommentare

Hoe het jy Jehovah se ondersteuning gevoel terwyl jy in die detensiesentrum voor jou verhoor was?

Gedurende die eerste maand van my aanhouding het ek nie ’n Bybel gehad nie, maar ek het ’n pen en ’n notaboek gehad. Ek het elke dag tot Jehovah gebid om my te help om tekste te onthou. Teen die einde van die maand kon ek 112 verse onthou en neerskryf. Dit het vir my gewys dat as ek die Bybel gereeld lees en daaroor nadink, Jehovah sy heilige gees gebruik om my te help om te onthou. Ek het vir Jehovah dankie gesê vir sy hulp.

Jefgeni Fomasjin

Gebore: 1977 (Balakowo)

Agtergrond: Het as ’n elektrisiën gewerk

Hy het gehou van die Bybel se belofte van vrede en eenheid op die aarde. Gedoop in 2013. Het gebaretaal geleer om die dowes in sy gemeenskap te help

Persoonlike kommentare

Hoe het die voorbeelde van broers wat in die verlede in aanhouding was, jou gehelp?

Terwyl ek in die detensiesentrum was, het ek gedink aan broer Konstantin Bazjenof, Aleksei Boedentjoek, Gennadi German, Roman Gridasof, Feliks Machammadijef en Aleksei Miretski wat in 2018-2019 in hierdie selfde gebou in aanhouding was. Hulle voorbeelde van geloof het my versterk. En ek word nog steeds aangemoedig deur die baie broers en susters wat hulle integriteit behou ten spyte van verskillende uitdagings. Dit voel asof ons sy aan sy hierdie moeilike tye deurmaak.

Andrei Moeritsj

Gebore: 1991 (Balakowo)

Agtergrond: Is ’n staalwerker

Het die eerste keer oor die Bybel by sy ouma geleer. Was verbaas oor die vervulling van Bybelprofesieë. Gedoop in 2007

Trou met Anastasija in 2009. Hulle het ’n dogter

Persoonlike kommentare

Wat het jou gehelp om die uitdagings te hanteer terwyl jy in die detensiesentrum was?

Vir my was die moeilikste deel om my vreugde te behou terwyl ek in aanhouding voor my verhoor was, veral gedurende die eerste twee maande. Een ding wat my gehelp het, was om te dink oor hoe my gesindheid, selfs in daardie moeilike situasie, vir Jehovah sou wys dat ek dankbaar is vir alles wat hy vir my gedoen het. Om my integriteit met vreugde te behou, sou die beste manier wees om my dankbaarheid te wys. Ek is ook meer oortuig dat ek met Jehovah se hulp enige situasie kan oorkom. Jehovah kan vir my in enige omstandighede vrede gee.

Sergei Tjoerin

Gebore: 1994 (Balakowo)

Agtergrond: Het as ’n elektrisiën gewerk

Sy ouma het hom oor die Bybel geleer. Het oortuig geword dat om Bybelbeginsels toe te pas, die sleutel tot ’n suksesvolle lewe is. Gedoop in 2012

Trou met Jelizaweta in 2018

Persoonlike kommentare

Watter lesse het jy geleer omdat jy vervolg word as gevolg van jou geloof?

Ek het drie dinge geleer. Eerstens, Jehovah is altyd daar om my te ondersteun. Hy sien wat ek die meeste nodig het, en hy weet wanneer die beste tyd is om dit te gee. Tweedens, as ek my innerlike vrede wil behou, is dit belangrik dat ek in Jehovah se beloftes vertrou. Alhoewel vervolging nooit maklik is nie, duur dit net ’n rukkie in vergelyking met die ewige seëninge wat voorlê. Binnekort sal ek nie eers terugdink aan hierdie moeilike tye nie. En derdens, die eenheid tussen ons broers en susters is baie spesiaal. Dit maak dit soveel makliker om moeilike tye te verduur, en dit moet beskerm word.

Die voorbeelde van hierdie vyf getroue broers herinner ons dat ons moeilike tye vir die goeie nuus kan verduur as ons op God se krag vertrou. – 2 Timoteus 1:8.

Tydlyn

11 Februarie 2022

Kriminele saak word gemaak
23 Maart 2022

FSB-beamptes deursoek die huise van al vyf broers. Elkeen is ondervra en na ’n tydelike detensiesentrum gestuur
25 Maart 2022

Broers word voor hulle verhoor in ’n detensiesentrum geplaas
23 Januarie 2023

Broers word uit aanhouding vrygelaat en onder reisbeperkings geplaas
21 Julie 2023

Kriminele verhoor begin
23 November 2023

Word skuldig bevind

Jy sal dalk ook hiervan hou

NUUSBERIGTE

In die tronk weens hulle geloof – Rusland

Jehovah se Getuies in Rusland is in die tronk weens hulle geloof. Vind uit wat hulle geskiedenis is, en kry ’n lys van al die Getuies wat tans in die tronk is.

NUUSBERIGTE