6 DESEMBER 2023
RUSLAND

“Ware geloof kan nie deur moeilike tye gebreek word nie”

SPEEL

Die Kaltanski-distrikshof van die Kemerowo-streek sal binnekort sy uitspraak gee in die saak teen broer Aleksandr Tsikoenof. Die aanklaer het nog nie ’n spesifieke vonnis aangevra nie.

Profiel

Aleksandr Tsikoenof

Gebore: 1967 (Kaltan)

Agtergrond: Het as ’n siviele ingenieur gewerk

Trou met Jelena in 1989

Was ’n ateïs. Het oor die Bybel geleer by een van Jehovah se Getuies wat saam met hom gewerk het. Aleksandr het die hele Bybel in ses maande deurgelees voordat hy ’n studie aanvaar het. Gedoop in 1997. Het die waarheid met sy ma, sy ouer suster en sy vrou gedeel. Hulle het almal Getuies van Jehovah geword

Persoonlike kommentare

Watter Bybelverslag het jou veral in hierdie uitdagende tyd gehelp?

Ek is baie aangemoedig deur die voorbeeld van die profeet Daniël. In Daniël 6:4, 5 sê dit: “Toe het die hoë amptenare en die satrape fout probeer vind met die manier waarop Daniël na regeringsake omgesien het, maar hulle kon geen fout of oneerlikheid vind waarvoor hulle hom kon aankla nie, want hy was betroubaar en was glad nie nalatig of oneerlik nie. Hierdie manne het toe gesê: ‘Ons sal niks vind waarvoor ons Daniël kan aankla nie, tensy ons iets teen hom kan vind wat verband hou met die wet van sy God.’” Hulle kon nie ’n rede vind om Daniël van enige iets slegs aan te kla nie, en daarom moes hulle ’n rede opmaak op grond van sy getroue aanbidding van God. Hulle het hom dopgehou en gewag om hom uit te vang. Maar hy het aangehou om Jehovah te aanbid soos hy altyd gedoen het. Daniël het iets bewys wat nog regdeur die geskiedenis waar is: Ware geloof kan nie deur moeilike tye gebreek word nie. Hierdie voorbeeld het my gehelp om so besig as moontlik te bly in my eie aanbidding van Jehovah.

Hoe dankbaar is ons tog vir die baie voorbeelde van lojaliteit wat ons daaraan herinner dat niemand wat geloof stel in Jehovah en sy Seun, Jesus Christus, teleurgestel sal word nie. – Romeine 10:11.

Tydlyn

27 April 2021

Kriminele saak word gemaak
2 Mei 2021

Huis word deursoek. Word gearresteer en in aanhouding voor sy verhoor geplaas
4 Mei 2021

Word uit aanhouding voor sy verhoor vrygelaat en onder huisarres geplaas
24 Junie 2021

Word uit huisarres vrygelaat en onder reisbeperkings geplaas
25 Julie 2023

Kriminele verhoor begin

Jy sal dalk ook hiervan hou

NUUSBERIGTE

In die tronk weens hulle geloof – Rusland

Jehovah se Getuies in Rusland is in die tronk weens hulle geloof. Vind uit wat hulle geskiedenis is, en kry ’n lys van al die Getuies wat tans in die tronk is.

NUUSBERIGTE