21 MEI 2024
RUSLAND

’n Voorreg om Jehovah se naam te verdedig

SPEEL

Die Bijsk-stadshof van die Altai-gebied sal binnekort sy uitspraak gee in die saak teen broer Sergei Loekin. Die aanklaer het nog nie ’n spesifieke vonnis aangevra nie.

Profiel

Sergei Loekin

Gebore: 1971 (Bijsk)

Agtergrond: Hou toesig oor ’n plek wat met visse broei

Trou met Jelena in 1991. Hulle het ’n seun, ’n dogter en ’n kleindogter

Sergei se ma het in 1998 een van Jehovah se Getuies geword. Sy het hom aangemoedig om die Bybel te lees. Sergei was beïndruk met die harmonie wat hy in God se Woord gesien het. Gedoop in 2010

Persoonlike kommentare

Watter teks in die Bybel het jou versterk?

Toe ek net een van Jehovah se Getuies geword het, het ek ’n hele paar uitdagings gehad. Ek het my werk verloor, en my familie het my teëgestaan. Gedurende daardie tyd het ek ’n ruk lank baie mismoedig gevoel. Psalm 118:6 het my baie vertroos: “Jehovah is aan my kant. Ek sal nie bang wees nie. Wat kan ’n mens aan my doen?” Wanneer ek nou probleme het, versterk hierdie woorde my. Byvoorbeeld, toe die owerhede gekom het om my huis te deursoek en my te ondervra, het ek geweet dat ek geen rede het om bang te wees nie. Jehovah het my gehelp om baie kalm te wees. Ek het daarna baie gelukkig gevoel. Dit het my laat dink aan hoe die apostels gevoel het nadat hulle ter wille van Jesus se naam geslaan is. Ek verstaan nou selfs beter dat ek die groot voorreg het om Jehovah se naam te verdedig. Ek wil alles in my vermoë doen om waardig te wees van hierdie voorreg.

Ons is dankbaar vir Sergei se voorbeeld wat ons daaraan herinner dat ons liefde vir Jehovah ‘vrees uitdryf’. – 1 Johannes 4:18.

Tydlyn

1 Desember 2022

Kriminele saak word gemaak
25 Januarie 2023

Woonstel en kantoor word deursoek. Word ondervra en onder reisbeperkings geplaas
25 Januarie 2024

Kriminele verhoor begin

Jy sal dalk ook hiervan hou

NUUSBERIGTE

In die tronk weens hulle geloof – Rusland

Jehovah se Getuies in Rusland is in die tronk weens hulle geloof. Vind uit wat hulle geskiedenis is, en kry ’n lys van al die Getuies wat tans in die tronk is.

NUUSBERIGTE