17 APRIL 2018
RUSLAND
Hof verhoor appèlsaak teen Russiese regering wat Getuies se nasionale kantoor wil afvat
Op 3 Mei 2018 sal ’n appèlsaak deur Jehovah se Getuies teen ’n beslissing om hulle vorige nasionale kantoor in Rusland af te neem, in die stadshof van Sint Petersburg begin. As die Getuies hierdie appèlsaak verloor, is die beslissing dadelik van krag en sal die Staat onmiddellik die eiendom in besit kan neem.
Vroeër het die Sestroretski-streekhof bewyse geïgnoreer dat die Getuies se kantoor deur die Wagtoring- Bybel- en Traktaatgenootskap van Pennsilvanië (WTPA) besit word, ’n niewinsgewende maatskappy in die Verenigde State. WTPA besit en betaal belasting op die eiendom al 17 jaar lank. Maar op 7 Desember 2017 het die streekhof die WTPA se kontrak van eienaarskap ongeldig verklaar. As die Getuies die appèlsaak verloor en alle moontlike regstappe in Rusland geneem het, sal hulle hierdie ernstige ongeregtigheid na die Europese Hof van Menseregte moet neem.
Verhore begin op 3 Mei 2018 om 11:30 in die stadshof van Sint Petersburg, Basseinaja-straat 6, St. Petersburg, Rusland.
Jy sal dalk ook hiervan hou
NUUSBERIGTE
Byeenkomssaal van Jehovah se Getuies word deur die Russiese owerheid afgevat
Die inbesitneming van die Byeenkomssaal volg kort op ’n hofbeslissing wat ’n week vroeër gemaak is. Die hof het gedreig om die eiendom af te vat wat deur die Getuies se nasionale hoofkwartier naby St. Petersburg gebruik word.
NUUSBERIGTE
Hooggeregshof van Rusland beslis dat bedrywighede van Jehovah se Getuies kriminele oortreding is
Die Hooggeregshof het ten gunste van die klag beslis om die Getuies se Administratiewe Sentrum asook die 395 plaaslike godsdiensorganisasies te likwideer.