4 JULIE 2014
RUSLAND
Jehovah se Getuies staan tereg in Taganrog
Die kriminele verhoor van 16 van Jehovah se Getuies in Taganrog, Rusland—wat al 14 maande aan die gang is—duur steeds in Julie 2014 voort. Gedurende die verrigtinge het die hof meer as 60 “bewysstukke” ondersoek wat meestal bestaan het uit opnames van godsdiensvergaderinge, gebede en Bybelvoorlesings—dieselfde godsdiensvergaderinge wat Jehovah se Getuies wêreldwyd hou.
Die beskuldigdes en 800 ander Getuies in Taganrog se reg op godsdiensvryheid is in die gedrang. Al 16 Getuies het getuig dat hulle nie hulle geloof sal prysgee nie en dat hulle sal aanhou om God as Jehovah se Getuies te aanbid, ongeag die uitkoms van die hofsaak.
Die video vestig die aandag op party van die beskuldigdes en hulle prokureurs in hulle stryd om hulle kosbare vryheid van aanbidding te bewaar ten spyte van onregverdige kriminele vervolging.
Jy sal dalk ook hiervan hou
NUUSBERIGTE
Onderdrukking van godsdiensvryheid in Rusland
Kriminele aanklagte is teen Jehovah se Getuies ingebring in die klein dorp Taganrog. Die owerheid het beslag gelê op hulle Koninkryksaal en hulle lektuur.
NUUSBERIGTE
Die Europese Hof van Menseregte handhaaf Jehovah se Getuies in Rusland se reg om vir aanbidding bymekaar te kom
Die EHMR beslis weer dat Rusland die menseregte van Jehovah se Getuies, insluitende hulle reg om vreedsaam te aanbid, geskend het.
NUUSBERIGTE
Russiese burgers word weens hulle geloof strafregtelik vervolg
As Jehovah se Getuies wat in Taganrog strafregtelike vervolg word, skuldig bevind word, sal alle Russiese burgers se basiese regte bedreig word.
NUUSBERIGTE
Die vervolging van Jehovah se Getuies in Taganrog, Rusland, duur voort
Sestien burgers word verhoor en as ‘misdadigers’ aangekla omdat hulle hulle geloof beoefen. As hulle skuldig bevind word, sal die godsdiensvryheid van alle burgers regoor Rusland bedreig word.