22 AUGUSTUS 2018
RUSLAND
In die tronk, nou onder huisarres
Twee van die broers wat onlangs onder huisarres geplaas is saam met hulle prokureurs. Van links na regs: prokureur Witali Swintsof, Wladimir Kotsjnef, Aleksandr Soeworof en prokureur Egiazar Tsjernikof.
Op 3 Augustus 2018 het regter Inna Jangoebajewa van die Leninski-streekhof in Orenburg, Rusland, beslis dat broer Wladimir Kotsjnef en Aleksandr Soeworof onder huisarres geplaas word nadat hulle 78 dae in die tronk was. Op dieselfde dag is broer Konstantin Petrof deur die Magadan-streekhof ook onder huisarres geplaas nadat hy 64 dae in die tronk was. Hoewel ons dankbaar is dat ons drie broers nie meer in die tronk is nie, moet hulle saak nog verhoor word, en as hulle skuldig bevind word, kan hulle tot tien jaar tronkstraf gevonnis word.
Teen 16 Augustus was daar 9 Getuies onder huisarres en 25 Getuies regdeur Rusland in die tronk. Nog 30 broers en susters moes ’n dokument teken wat hulle verhoed om hulle tuisdorp te verlaat sonder toestemming van die plaaslike owerheid. Ons hou aan om vir ons broers en susters te bid wat deur baie moeilike tye in Rusland gaan. — 2 Korintiërs 1:11.
Jy sal dalk ook hiervan hou
NUUSBERIGTE
Nog een van Jehovah se Getuies word in Rusland verhoor op aanklagte van ekstremistiese bedrywighede
Arkadja Akopjan, ’n 70-jarige afgetrede kleremaker en een van Jehovah se Getuies, is ’n onskuldige, wetsgehoorsame burger wat net God in vrede wil aanbid.
NUUSBERIGTE
In die tronk weens hulle geloof – Rusland
Jehovah se Getuies in Rusland is in die tronk weens hulle geloof. Vind uit wat hulle geskiedenis is, en kry ’n lys van al die Getuies wat tans in die tronk is.