7 MAART 2019
SUID-KOREA
Alle Getuies wat vir gewetensbeswaar in Suid-Korea opgesluit is, is nou vrygelaat
Op 28 Februarie 2019 is die laaste Getuie van Jehovah in Suid-Korea vrygelaat wat in die tronk was omdat hy neutraal gebly het. Al die broers wat vrygelaat is, het gesê dat hulle baie dankbaar is oor hierdie vryheid en die geleentheid wat hulle gehad het om hulle lojaliteit aan Jehovah God te bewys.
Altesaam 65 broers is vrygelaat vandat die Hooggeregshof ’n geskiedkundige beslissing op 1 November 2018 gelewer het. Die Hof het beslis dat gewetensbeswaar teen militêre diens nie ’n misdaad is nie. Die beslissing het ’n einde gemaak aan die gebruik om gewetensbeswaardes tronk toe te stuur, iets wat al die afgelope 65 jaar gedoen is.
Die geloof en getrouheid van ons Koreaanse broers beweeg ons om ‘al hoe meer moed aan die dag te lê’ in ons lojale diens aan ons Koning en sy Koninkryk (Filippense 1:14). Ons bid vir ons broers wat in die tronk is in Eritrea, Rusland, Singapoer en Turkmenistan. – Hebreërs 10:34.
Jy sal dalk ook hiervan hou
NUUSBERIGTE
Christelike neutraliteit in Suid-Korea – Geskiedenis van geloof en moed
Vanaf 1953 is jong Koreaanse mans wat Jehovah se Getuies is, in die tronk gesit omdat hulle gewetensbeswaar teen militêre diens het. In Februarie 2019 het dit verander. Vind uit wat gemaak het dat iets so belangrik gebeur het.
NUUSBERIGTE
“Onskuldig”
NUUSBERIGTE
Getuies in Suid-Korea vra die president: Vind ’n oplossing vir die kwessie van gewetensbeswaar
Die Getuies wag vir ’n oplossing terwyl amptenare die kwessie van gewetensbeswaar teen militêre diens heroorweeg.
NUUSBERIGTE
Eritrea – 25 jaar agter tralies
NUUSBERIGTE
Jehovah se Getuies in die tronk weens hulle geloof – Volgens land
Plekke waar Jehovah se Getuies in die tronk gesit word, soms onder uiterste toestande, omdat hulle hulle godsdiens en basiese menseregte beoefen.