Gedurende Mei 2019 was daar nuusberigte van swaar reën en amper 500 tornado’s in die Verenigde State.

Jehovah se Getuies in Arkansas, Indiana, Mississippi, Missouri, Ohio, Oklahoma, Pennsilvanië en Texas is deur hierdie stormweer geraak. Geen broers en susters het gesterf nie, maar ses het seergekry en vier van hulle moes hospitaal toe gaan. Ongelukkig is 6 van ons broers se huise verwoes en 98 huise en 12 Koninkryksale is beskadig. As gevolg van hierdie skade moes 84 mede-aanbidders ander blyplek kry.

Die broers hou aan om te kyk hoeveel skade daar is en voorsien kos, water en blyplek vir dié wat geraak is. Die plaaslike ouermanne en kringopsieners vertroos ons broers en susters en moedig hulle aan deur middel van die Bybel.

Ons hou aan om ons mede-aanbidders te ondersteun en vir hulle te bid terwyl hulle deur die gevolge van hierdie storms gaan. – 2 Korintiërs 1:3, 4.