4 SEPTEMBER 2023
WÊRELDNUUS

Gefokus op geloof, nie op vrees nie

SPEEL

Die Gagarinski-distrikshof van Sewastopol, die Krim, sal binnekort sy uitspraak gee in die saak teen broer Wiktor Koedinof en Sergei Zjigalof. Die aanklaer het nog nie ’n spesifieke vonnis aangevra nie.

Profiel

Wiktor Koedinof

Gebore: 1969 (Boedapest, Hongarye)

Agtergrond: Het gewerk as ’n busbestuurder

Trou met Swetlana in 1991. Hulle het ’n dogter en ’n seun

Het die Bybel saam met Swetlana begin studeer toe hy sien hoe Bybelleringe sy gesinslewe verbeter het. Swetlana is in 2005 gedoop, en Wiktor in 2010

Persoonlike kommentare

Hoe het ander se ondervindinge jou versterk?

Ek het baie gedink aan broers soos Wiktor Stasjefski. Hy is in die tronk, en dinge is nie vir hom maklik nie. Ek het ’n paar keer briewe van hom gekry, en dit is duidelik dat hy nie op homself fokus nie. Sy woorde wys dat hy besorg is oor ander en in hulle belangstel. En hy bly ook vreugdevol. Wiktor en so baie ander broers en susters stel vir my ’n baie goeie voorbeeld. Behalwe dat hulle vervolg word, het hulle ook die probleme van die daaglikse lewe, soos gesondheidsprobleme, om ’n bestaan te maak en om vir hulle gesinne te sorg. Hulle kan die ekstra druk van vervolging laat verdwyn as hulle kies om nie meer getrou aan Jehovah te wees nie. Maar hulle kies om lojaal aan Jehovah en hulle broers te bly. Wanneer ek sien wat hulle alles kan verduur, weet ek dat ek dit ook kan doen.

Sergei Zjigalof

Gebore: 1971 (Snezjnoje, Oekraïne)

Agtergrond: Het as ’n loodgieter gewerk

Het in 1994 die Bybel saam met Jehovah se Getuies begin studeer. Was beïndruk met die wysheid in die Bybel en die akkuraatheid van die profesieë daarin. Gedoop in 1996

Trou met Olga in 2007

Persoonlike kommentare

Wat het jy oor Jehovah geleer gedurende hierdie moeilike ondervinding?

Alhoewel Jehovah toelaat dat ons vervolg word, weet ek dat hy word wat ook al nodig is om my op ’n spesiale manier te beskerm en te vertroos. Ek verstaan nou hoe belangrik die woorde in Jesaja 30:15 is, waar dit sê: “Julle krag sal daarin lê dat julle kalm bly en vertroue het.” Dit keer dat ek my verskriklike dinge voorstel wat dalk met my kan gebeur. Ek weet dat as ek bang word, ek Jehovah nie met ywer sal kan dien nie. As ek dit sou laat gebeur, sal dit wees asof ek myself verbied om Jehovah te aanbid. Dit is presies wat Satan hoop ek sal doen. Maar as ek heeltemal op Jehovah vertrou, ervaar ek die innerlike kalmte wat net Jehovah ’n mens kan gee. En hierdie kalmte maak my sterk.

Ons is seker dat Jehovah sal aanhou om Wiktor en Sergei te seën vir hulle geduldige volharding, want Hy is die God “wat bly is dat sy kneg vrede geniet”. – Psalm 35:27.

Tydlyn

24 Augustus 2022

Kriminele saak word gemaak. Huise word deursoek. Word gearresteer en in tydelike aanhouding geplaas
26 Augustus 2022

Word uit aanhouding vrygelaat en onder huisarres geplaas
17 Oktober 2022

Word vrygelaat uit huisarres en onder beperkings geplaas
13 April 2023

Kriminele verhoor begin

Jy sal dalk ook hiervan hou

NUUSBERIGTE

In die tronk weens hulle geloof – Die Krim

Jehovah se Getuies in die Krim is in die tronk weens hulle geloof. Vind uit wat hulle geskiedenis is, en kry ’n lys van al die Getuies wat tans in die tronk is.

NUUSBERIGTE