23 JANUARIE 2024 | BYGEWERK: 18 APRIL 2024
WÊRELDNUUS

JONGSTE NUUS – BROER SKULDIG BEVIND | “Alles is moontlik vir die een wat geloof het”

SPEEL

Op 16 April 2024 het die Nachimofski-distrikshof van die stad Sewastopol broer Maksim Zintjenko skuldig bevind en hom tot twee jaar dwangarbeid gevonnis. Hy sal in ’n tronk moet bly en gemeenskapsdiens op ’n toegewese plek moet doen.

Profiel

Maksim Zintjenko

Gebore: 1992 (Oekraïne)

Agtergrond: Het as ’n sweiser gewerk

Het grootgeword in gesin wat Jehovah se Getuies is. Gedoop in 2006

Trou met Karina in 2015

Persoonlike kommentare

Watter vers in die Bybel het jou gehelp?

Een van my gunstelingtekste is Markus 9:23, wat gedeeltelik sê: “Alles is moontlik vir die een wat geloof het.” Hierdie woorde help my om moedig te wees. So elke keer voordat ek in die hof verskyn of enige tyd wanneer ek bang of onseker voel, herhaal ek hierdie woorde vir myself. Ek vra Jehovah ook om my moed te gee. Wanneer ek die hof verlaat, is ek dikwels verbaas oor wat ek met Jehovah se hulp kon doen. Dit is vir my duidelik hoekom dit belangriker as ooit tevore is dat ek elke dag gebruik om nader aan Jehovah te kom. En ek het die vertroue dat so lank as wat hy met my is, ek enige iets kan hanteer wat ook al gebeur.

Ons is oortuig dat Jehovah Maksim se moed en volharding sal beloon, asook almal wat aanhou om Sy wil te doen. – Hebreërs 10:35, 36.

Tydlyn

17 Mei 2023

Word krimineel aangekla van deelname aan die bedrywighede van ’n ekstremistiese organisasie
22 Mei 2023

Huis word deursoek. Maksim en Karina word ondervra. Maksim word in ’n tydelike detensiesentrum geplaas
24 Mei 2023

Maksim word vrygelaat en onder huisarres geplaas
12 Julie 2023

Kriminele verhoor begin

Sien ook

NUUSBERIGTE

In die tronk weens hulle geloof – Rusland

Jehovah se Getuies in Rusland is in die tronk weens hulle geloof. Vind uit wat hulle geskiedenis is, en kry ’n lys van al die Getuies wat tans in die tronk is.

NUUSBERIGTE