Op 30 Junie 2024 het Beryl, ’n kategorie-3-orkaan, na die suide van die eiland Martinique in die Wes-Indiese Eilande beweeg. Die volgende dag het die storm erger geword en in ’n kategorie-4-orkaan ontwikkel. Dit het die Bowindse Eilande getref, wat Barbados, Grenada en Sint Vincent en die Grenadine insluit. Die dag daarna het dit Venezuela as ’n kategorie-5-orkaan getref. Toe het Beryl naby die suidkus van Jamaika verbygetrek. Op 5 Julie het die kragtige storm die Yucatán-skiereiland in Mexiko getref voordat dit na die suidelike deel van die Verenigde State beweeg het.

Die storm het swaar reën en sterk winde wat teen 270 kilometer per uur gewaai het, veroorsaak. Dit het huise, besighede en die infrastruktuur beskadig. ’n Hele paar miljoen mense wat in die gebiede woon wat geraak is, het nog steeds nie elektrisiteit, water en ander noodsaaklike dienste nie. Volgens berigte het meer as 30 mense hulle lewe verloor.

Martinique (Wes-Indiese Eilande)

• Nie een van ons broers of susters is dood of beseer nie

• 6 verkondigers moes hulle huise verlaat

• 1 huis is heeltemal vernietig

• 1 huis is erg beskadig

• 1 huis is beskadig, maar nie te erg nie

• Geen Koninkryksale is beskadig of vernietig nie

Bowindse Eilande

• Nie een van ons broers of susters het gesterf nie

• 7 verkondigers is beseer

• 67 verkondigers moes hulle huise verlaat

• 39 huise is erg beskadig

• 31 huise is beskadig, maar nie te erg nie

• 1 Koninkryksaal is heeltemal vernietig

• 1 Koninkryksaal is erg beskadig

• 4 Koninkryksale is beskadig, maar nie te erg nie

Venezuela

• Nie een van ons broers of susters is dood of beseer nie

• 30 verkondigers moes hulle huise verlaat

• 12 huise is erg beskadig

• 9 huise is beskadig, maar nie te erg nie

• 1 Koninkryksaal is erg beskadig

Jamaika

• Nie een van ons broers of susters is dood of beseer nie

• 18 verkondigers moes hulle huise verlaat

• 24 huise is erg beskadig

• 75 huise is beskadig, maar nie te erg nie

• 19 Koninkryksale is beskadig, maar nie te erg nie

Mexiko

• Nie een van ons broers of susters is dood of beseer nie

• 320 verkondigers moes hulle huise verlaat, maar hulle kon weer teruggaan na hulle huise toe

• 11 huise is beskadig, maar nie te erg nie

• Geen Koninkryksale is beskadig of vernietig nie

Verenigde State

• Nie een van ons broers of susters het gesterf nie

• 6 verkondigers is beseer

• 242 verkondigers moes hulle huise verlaat

• 4 huise is heeltemal vernietig

• 33 huise is erg beskadig

• 471 huise is beskadig, maar nie te erg nie

• Geen Koninkryksale is beskadig of vernietig nie

Kringopsieners en plaaslike ouermanne gee aanmoediging uit die Bybel en voorsien praktiese hulp aan dié wat deur die ramp geaffekteer is. Daar is ook ses Noodlenigingskomitees aangestel om toesig te hou oor die noodlenigingspogings.

Ons bid dat Jehovah sal aanhou om almal te vertroos wat gedurende hierdie moeilike tyd op hom vertrou. – 2 Korintiërs 1:3, 4.