Op 27 September 2022 het orkaan Ian verwoesting veroorsaak in Kuba voordat dit die volgende dag die suidweste van Florida as ’n kategorie-4-storm getref het. Orkaan Ian, een van die kragtigste storms wat die Verenigde State nog ooit getref het, het ’n windsterkte van tot 240 kilometer per uur bereik. Dit het buurte verwoes, wydverspreide kragonderbrekings veroorsaak, paaie en brûe erg beskadig en groot gebiede oorstroom terwyl dit stadig deur die staat getrek het totdat dit by die Atlantiese Oseaan gekom het. Dit het later die kus van Suid-Carolina getref.

Hierdie storm het veroorsaak dat meer as 12 000 verkondigers in Florida hulle huise moes verlaat.

Kringopsieners werk saam met verteenwoordigers van die Plaaslike Kantoor vir Ontwerp en Konstruksie om ouermanne by te staan wat in die onmiddellike behoeftes van die slagoffers voorsien.

Kuba

• Ongelukkig het 1 broer gesterf

• 2 broers is ligtelik beseer

• 300 huise is beskadig, maar nie te erg nie

• 491 huise is erg beskadig

• 63 huise is vernietig

• 40 vergaderplekke is erg beskadig

• 1 byeenkomsplek is beskadig, maar nie te erg nie

• 3 byeenkomsplekke is erg beskadig

Florida

• Nie een van ons broers of susters het in die storm gesterf nie

• 2 verkondigers is ligtelik beseer

• 5 874 verkondigers moes hulle huise verlaat

• 1 559 huise is beskadig, maar nie te erg nie

• 367 huise is erg beskadig

• 47 huise is vernietig

• 329 huise is veilig gemaak om in te bly

• 71 huise is herstel

• 38 teokratiese fasiliteite is beskadig, maar nie te erg nie

• 1 Koninkryksaal is erg beskadig

• 1 Byeenkomssaal is erg beskadig

Suid-Carolina

• Nie een van ons broers of susters is beseer of het gesterf in die storm nie

• 35 verkondigers moes hulle huise verlaat

• 13 huise is beskadig, maar nie te erg nie

• Kringopsieners en plaaslike ouermanne gee geestelike en praktiese bystand aan families wat geraak is

• 14 tydelike noodlenigingsentrums is langs die ontruimingsroete in Florida opgestel om die broers en susters te help

• Noodlenigingskomitees is in Florida en Kuba aangestel om toesig te hou oor die noodlenigingswerk

• Alle noodlenigingspogings word in ooreenstemming met COVID-19-veiligheidsmaatreëls gedoen

Met ons broers en susters wat hulle mede-aanbidders gedurende hierdie tragiese gebeure help, kan ons sien hoe waar die woorde van die psalmis is: “Die een wat op Jehovah vertrou, word deur Sy lojale liefde omring.” – Psalm 32:10.