Op 17 Maart 2019 het broer Kenneth Cook, ’n lid van die Bestuursliggaam, die hersiene uitgawe van die Nuwe Wêreld-vertaling van die Heilige Skrif in Shona vrygestel. Dit is by ’n spesiale geleentheid gedoen wat gehou is by die Harare-Byeenkomssaal in Zimbabwe. Dit het drie jaar gevat om die Bybel in hierdie taal te vertaal.

Amper 2 500 broers en susters was by die Byeenkomssaal vir die vrystelling van die Bybel. Nog 43 000 mense het by die geleentheid ingeskakel vanaf 295 Koninkryksale en 4 Byeenkomssale. Een broer het gesê: “Ek sien uit daarna om die hersiene Bybel in velddiens te gebruik. Die taal is eenvoudig en ek geniet dit. Dit help my om dit meer te wil lees. Ons sê vir Jehovah dankie vir hierdie geskenk.”

Hierdie uitgawe sal deur 38 000 verkondigers gebruik word wat in die Shona-veld dien. En dit sal hulle help om te preek vir die meer as 9 000 000 mense wat die taal praat, omtrent 80 persent van Zimbabwe se bevolking.

Elke vrystelling van die Bybel wys dat Jehovah die wêreldwye vertaalwerk seën. Ons is bly dat sy Woord beskikbaar gemaak word in die moedertaal van meer en meer lesers. – Handelinge 2:8.