Jehuwá najanauwai nuwenbaun, idaisauwai dukug apagjai uchijin kuitamkati tusa (Colosenses 3:20). Apag asam, jintintuata amina uchijum Jehuwan aneeti pegkeg aents atí tsakajá muun wajastata nui (2 Timoteo 1:5; 3:15). Aniau asam, dekagmainaitme uchijum wajuk anentaimua anentain nunú. Nunismek, ame iwaintam duka imanai. Tuja dekas apag Apajuí aneamun iwaintamu asa nunú imá senchi uchinak yaigtatui (Salmo 40:8).

APAJUÍ CHICHAME TAWAI: “Shiig antugkatajum, nuniakjum waugká aimtsuk” (Santiago 1:19). Amina uchijum aidau agkan chichamain ainawai atumjai. Tuja, iwaintukta tuké antugkum uchijum aidau dita chichastatus wakegakuig. Amina jeemin chichastajum agkan (Santiago 3:18). Atum kajekjum chichataik, tikich tsawantai utugchatji ajamash ujapakagchattawai. Wamkesam kajetsuk tuké uchijum titá senchi aneajame tusam (Mateo 3:17; 1 Corintios 8:1).

WAJÍ DUTIKMAINAITME:

• Amina uchijum amejai chichastatus wakegakuig antugkata.

• Tuké chichastá uchigmijai utugchak akui chichatsuk.

APAJUÍ CHICHAME TAWAI: “Aents yacha shiig anentaimkauwa duka shiig anentaimag takawai” (Proverbios 13:16). Dekamainaitme wagka aan chichainawa nunú yaimpaktatui ditash Wagka tu anentaimainawa. Datsauch aidauk shiig anentaimtsuk chichainawai nuigtushkam tuinawai. “Ashí aents chichainamuk shiig antugkatajum, nuniakjum waugka aimtsuk” (Santiago 1:19). Aniau asam wamkesam kajekaipa (Efesios 4:32).

WAJÍ DUTIKMAINAITME:

• Amina uchijum utugchatan ujapakuig antugkata kajegtsuk.

• Adeagta amina uchigmea anin asam wajuk anentaimin ayume.

APAJUÍ CHICHAME TAWAI: “Uchuchih, amina apa chichame antugkata, tuja amina duku jintinjabaush kajimatki idaisaipa” (Proverbios 1:8). Jehuwá susauwai inabaun apag dukugjai, jintintuati tusa uchijin. Mai betek jintinmainai niina uchijí aidaunak ajantusa diimainai nuigtush umin wajasú amainai (Efesios 6:1-3). Uchi aidauk dekainawai apag dukugjai betek anentaimainatsu nunak “Shiig ijutkau, [...] makichkia duke anentaimtakjum” (1 Corintios 1:10). Aniau asamtai, betek anentaimchatjumek, jiyanikaigpajum uchijum pujuinaigkik, nunú nunitaik ajantugmas diigmaschagtatui.

WAJÍ DUTIKMAINAITME:

• Chichastajum betek Wajuk uchish jintinmainaita suwimak suamunum.

• Betek anentaimchatjumek Wajuk jintinmainaita uchish, kakanmamsatajum antugdaikatasajum nuwem aishumjaigkesh.

APAJUÍ CHICHAME TAWAI: “Atumi uchijum aidau kashi kashinig jintintajum” (Deuteronomio 6:7). Amina uchijum pegkeg aents atí takumek atak, shiig jintintuata uchijum piipichia nuwig. Anentaimsata Wajuk jintinmainaitme nuigtushkam wajuk suimainaitme nunú (Salmo 127:4; Proverbios 22:6). Suwibauk betekchauwai asutbaujaig, aniau asa yayawai ame jintintam duka pegkeg aents atí tusam (Proverbios 1:8). Nuigtushkam jintintuata Apajuí chichame aneeti antukti tusam chicham umiktin awa nuna (Salmo 1:2). Aatus nuniak niina anentain aents pegkeg atatui (Hebreos 5:14).

WAJÍ DUTIKMAINAITME:

• Kakanmamsatajum uchijum jintinbaunum Apajuinun unuimak tumain ainawai nii dekas pujawai tusa.

• Yaigtajum dekatnume pegkegchau aidaun, jujú aidau iwainamu jiinui internetnum televisionnumshakam, nuigtú jintintuata aents uchijai tsanijinin aina nujai dakitjata tusam.