JINTIAMU 8
Wake besemag jegakui wajukmainaitme
“Kuashat waitiamu ajutjamainakuish shiig aneasjum pujustajum.” (1 Pedro 1:6)
Shiig aneasam pujustasam ame wakegame nuwenamugmin amina pataimijai, tujash utugchat nagkaetamkuig wake besemag pujumainaitjume (Eclesiastés 9:11). Tujash Apajuí yaimpaktatui utugchat pujutaishkam. Apajuí chichame umitaik nii ichichtamjattame, ame amina pataimijai utugchat nagkaekumesh atsagjattame.
1 KAJITMAMSAM JEHUWAYAI PUJUSTÁ
APAJUÍ CHICHAME TAWAI: “Ashí atum uyumamugmik Apajuí idaitustajum, nii atumnak kuitamjamu asamtai” (1 Pedro 5:7). Kajimatkipa Apajuik utugchatnak sujamtsui (Santiago 1:13). Ame ijutkau ataik niijai, Apajuí shiig kuashat yaimpaktatui (Isaías 41:10). “Shiig senchi wake besemag dekapeamu ajutu asamtai” (1 Samuel 1:15).
Amina ichichtamak yaimpamainuk Apajuí chichame ausata ashí tsawantai. Jujú umiakmek, Jehuwá yaimpamu wainkattame “nigki ichichmamtanash sujamui ashí ii waitiamunmash” (2 Corintios 1:3, 4; Romanos 15:4). Nii amastatui anagtabaun “nunú agkanmaeta nunak, Apajuí atumin anentaiminish, anentaimtagminish ajutjamtinme tusa amasagtatui” (Filipenses 4:6, 7, 13).
WAJÍ DUTIKMAINAITME:
-
Jehuwá segatá yainkati tusam shiig anentaibau dakunkut pujumainun.
-
Anentaimsata wají dutikmainaitme nunú etegkata tu yaimpaktatme.
2 KUITAMKATA AMINA PATAIM AMESHKAM
APAJUÍ CHICHAME TAWAI: “Dekas unuimata nunú jukitajum” (Proverbios 8:10). ¿Wajina atsumainawa makí makichik pataash? Iniimsam ashí dekamainaitme. Chichastá dita aidaujaish antugkata (Proverbios 10:5).
¿Wajukmanaitme ame senchi aneetaijum jakamtaish? Datsaamtsuk buutta. Adeagta Jisuschakam “buut[iuwai]” (Juan 11:35; Eclesiastés 3:4). Ayamjata shiig nuigtush shiig kanagta nunú nuniamuk pegkejai (Marcos 6:31). Aatsam nuniakum utugchat minakuish depetkattame.
WAJÍ DUTIKMAINAITME:
-
Chichastá tuké amina pataimijai eke wake besemag nagkaematsaig. Aatus, utugchat jegakuig, ditashkam agkan chichasagtatui amejai.
-
Chichastá aents aidaujai amejai betek utugchatan nagkaekiu aidaujai.
3 EGAKTÁ YAINKATI TUSAM ATSUMAMU
APAJUÍ CHICHAME TAWAI: “Makichik aents ni kumpajin ayamjuktatus mantamna nu iwainawai senchi anejata nunak, nu anejata nuna nagkaesau anejatmainuk atsawai” (Juan 15:13). Dekas amina kumpajum yaimpaktatus wakemainai, nunak dekainatsui wajuk dutikmainuk ainawa nuna. Titá Wajuk yaimpamainaita amina (Isaías 50:4). Nuigtushkam, egaktá yaimpaktinme Apajuí chichame dekaina nunú. Apajuí chichame jintinjama nunuí, utugchat nagkaekumek depetkattame (Santiago 5:14).
Tuké ijutkau akumek aents Apajuí nemajuina nujai, nuigtush dekaskeapi Apajuí tuinaujai dita yaimpaktatui. Nuigtushkam ame yaimainaitme wake besemag pujuidau. Jintintuata ame dekaskeapi tabaujum Jehuwá anagtama nunú pachisam. Takastá tikich aidau yayakun kanakaipa amina anempaina nujai nuigtush amina puyatjupainawai (Hebreos 10:25; 1 Corintios 15:58).
WAJÍ DUTIKMAINAITME:
-
Chichastá shiig kumpagmijai nuigtushkam idaisata yaimpakti.
-
Utugchat nagkaetama nunú dekas ashí ujaktá.
