PARTE 8
Jisus jakamu, ¿amesh wajuk anentaimtame?
Jisus jakawai iwaku pujustinme tusa. Juan 3:16.
Kampatum tsawan jaka Jisus wegai nuwa aina nuwiya wejiajui disagtatus ukusbaun, tujash atsaun wainkajui, Jehuwá inankiuwai.
Agkuantai Jisus wantintukui saataiji aidaun.
Dekas, Jehuwá inankiuwai Jisusan wakan senchigtinun jakashtinun. Saataiji aidau wainkajui Jisus waketun nayaim.
Jehuwá inankiuwai Jisusan dutika Apu Inamtaijin emauwai. Takasbau 2:24, 33.
Akikmakui Jisus nina pujutin mantamnak ashí aentsun (Mateo 20:28). Nu mantamnamua dui yupichu pujut nagkanchau jumain etamiuwai.
Jehuwá adaikauwai Jisusan Apu nugkanum inamjati tusa. 144.000 aents pegkejam nantakiaju nayaimpinum pujusagtatus. Jisus 144.000 aidaujai dita ainawai Apajuí Inamtain inamjagtin aidauk (Iwainakbau 14:1-3).
Apajuí Inamjattanuig ematnai nugkanak shiig pegkeg. Maniamu, magkágtamu, waitiamu, yapajamu atsau. Aénts aidauk shiig aneas pujuagtinai (Iwainakbau 21:4).
You May Also Like
ANEAMU
Adeagmi Jisus jakamu
Ipaajime atumjai adeagmi tusa jakamu Jisus nii tujamu asamtai. Unuimagtatme wajuk pujutji jakamuji Jisus yaimpawa amina.
AUGTAI PAPÍ MUUN AIDAUJAI
¿Dekas jakau aidaush ataktú wakitkiajash pujusagtatuak?
¿Amina pataim jakaush ajutjamuak? Apajuí Chichame anagtama duka yaimpamainai.
