PARTE 3
¿Wajukuk ayi pujut nugka shiig pegkejush ajakua nuish?
Jehuwá susauwai Adánkan, Evanashkam wají pegkegchin. Génesis 1:28.
Jehuwá najanawai nagkamchak nuwan Evan dutika Adánkan nuweuwai (Génesis 2:21, 22).
Jehuwá najanawai anentaimtaji pegkejan iyashishkam imanak pegkegchau atsugbaun.
Dita pujamuk nugka shiig pegkejush Edén tutai ajakui. Nugka shiig pegkejush entsa ayau yujág aidaushkam tuja kuntinchakam.
Jehuwá tiuwai, nuigtushkam jintintuawai. Dita antujuinakug tuke pujumain ajakajui nugka iwajamunum.
Génesis 2:16, 17.
Apajuí tiuwai yuwawainpajum numi nejentin waja juka.Apajuinu aina nuiya wakan makichik intimkiuwai. Nu pegkegchau wakanik iwanch Satanás tutayai.
Jehuwá iwaintukui Adánkan Evanashkam makichik numi nejekun nugka pegkegchinmayan, jujú yuwakmek jakattajume tusa.
Iwanch dakitjauwai Adán Eva antugkainum tusa Jehuwán, nuniau asa nigka dapinum yunumak Evan ausauwai, jujú numi nejentin wajajú yuwakjumek jakashtatjume, Apajuiya ibau atatjume tiuwai. Tujash duka waitjamu ajakui (Génesis 3:1-5).