PARTE 5
Abautin: ¿Ya aidau antugkajuita? ¿Ya aidau antugkachajuita?
Imá kuashat aents ashí tsawantai Noé pujujakua duik pegkegchaunak takajakajui. Génesis 6:5.
Adán Eva uchijinak wegak nugkanum yujakui. Tsawan wegak tikich nayaimpinmaya wakan iwanchjai ijunjawai.
Nu wakan aidau midiajui nugkanum nunik aentsmaekag nuwenawajui nuwajai. Nunú nuwa aidauk uchigmakajui, kajén, pegkegchau, nugkaya aents aidaun nagkaesau.
Nugkanmak aimnaku aents pegkegchau takainamu. Apajuí chichame tawai: “Pegkegchau aents takamainamu aimnaku nugkanum, aniu asamtai dita anentaimtamuk ashí tsawantaik ajakui ayatak pegkegchauk.”
Noé antugkawai Apajuin nunik kanu múuntan najanawai. Hebreos 11:7.
Noé aents pegkeg ajakui, Jehuwá tiuwai Noén ijinattajai aents pegkegchaunak abautin tusa.
Apajuí nuigtú tiuwai Noén kanu muun najanata tusa, nuna daajin Arca tutai, nui egkemata amina pataimijai tuja egkeata ashí kuntin aidau.
Noé aents aidaun ujakui abau atinum, tujash imá kuashat antugkachajui kajegkajui dushijajui.
Kanu muun ashimnakmatai Noé chimpiauwai kuntin aidaun.
