PARTE 12
¿Wajuk nuwedaush shiig aneasash pujumainaita?
Anenkai imana duka shiig aneasa nuwedau pujustatabaunmak. Efesios 5:33.
Apajuí chichame umiktin tawa duka nuwenbauk aishmag nuwajaiyai tawai.
Aishmag nuwen anenuk emamkemas kuitamas antugdayas pujuwai.
Nuwatkamuk aishijai yainin wajasu amainai.
Uchi aidauk apajin antujin amainai.
Colosenses 3:5, 8-10.
Pegkeg atá ajantusa diistá nuwem, pegkegchau aipa nuigtú tsanujaipa nuwem.Apajuí chichame tawai aishmag nuwenak anemainai nina iyashin anea imatikas, tuja nuwak shiig senchi ajantus aishinak dimainai.
Eke nuwenku agatmamtai umikbawa nui agatmanja nuwentsuk tsaniamuk pegkegchauwai. Nuigtú ekagmamushkam kuashat nuwentin atashkam pegkegchauwai.
Apajuí chichame jintintui nuwentin aidaun. Wajuk shiig aneas pujumainaitanuna.