“Apajuí nayaimpinmaya makichik tuké apu atinun adaikatnai, nunak makichkish depetkachagtinai” (Daniel 2:44, Apajuí Chichame eke Kristu akiintsaig agagbau).

“[...] Apajuí iinak makichik uchin amase. Nunú uchia nunuwai apu ati tusa etegkamua duka” (Isaías 9:6).

• Jujú inamtain pegkeja juka yaijatui makí makichkitin jutiinash (Salmo 32:8).

• Waamak, yamajam nugkanum pujustatji shiig aneasa jata atsamunum (Iwainakbau [Apocalipsis] 21:3, 4).

Jujú jimaja juwi aimui:

• Jisus iwainakui Apajuí Inamak dutikatta nuna. Nii jintintuawai aents aidaun Apajuí segakjum titajum niina Inamtai taati tusam nuigtush nii wakegamu uminkati jujú nugkanum tusajum (Mateo 6:9, 10). Nuigtushkam iwainakui wajuk uminkattawa nunú segamu.

  Jujú nugkanum pujusá, Jisus ayujauwai aents yapajuidaun, nuigtú etsagajui jau aidaun aantsag aents jakau aidaun inankiuwai (Mateo 15:29-38; Juan 11:38-44). Jisus iwainakui emtika Apajuí Inamak atak ju nugkanum dutikatta nuna aents Apajuí umigkau aidaun (Iwainakbau 11:15).

• Yamai nugkanum nagkaema duka iwainawai waamak Apajuí Inabau atata nuna. Jisus tiuwai eke Inamtai agkan pujutan itaatsaig ju nugkanum, atinai maaniamu yapajut ugbaujai ashí nugkanum nagkaemaktinai tusa (Mateo 24:7; Marcos 13:4).

  Yamai wainji ashí nugkanum utugchat nagkaema juka. Aniau asamtai Apajuí Inamtai dekas utugchat awa nunak epegkeattawapi taji.