AUGBAU 01
¿Wajuk yaimpamainaita Apajuí Chichamesh?
Kuashtati iniimainaji pujut pachisa, waitiamu, jakamu nuigtú atak atina nunú. Nuigtushkam puyatjuinaji kuashat wají aidau, wajuk kuichkish juki iina patajuijaish shiig aneasa pujumainkita tusa. Kuashat aents dekawaje Apajuí Chichame iman pegkeg iniibaun aima nuna nuigtushkam yamai pegkeg chicham aidaun sujamui. ¿Wajinpa amesh Apajuí Chichamesh tikichin yaimainkait dekaati tusamesh?
1. ¿Tiuwaita iniibau aidaun aima dusha Apajuí Chichame?
Apajuí Chichame aimui: ¿wajuk nagkamnauwaita pujut?, ¿wagka najanamuitji?, ¿wagka waituinawa aents pegkeg aina dusha?, ¿jakaush wajukeawa?, ¿wagka kuashat maniamu awa? nuigtú ¿wajukattawa ii nugkanum pujan dusha? Apajuí Chichame yaimpawai jujú egamu aibaun, kuashat aents aidau igkugkaje nuniak shiig anenawai dekawaja duwi.
2. ¿Wajuk yaijatua Apajuí Chichame yamai shiig aneasa pujamunmash?
Apajuí Chichame pegkeg chichaman sujamui. Makichik iwainamu, patayi aidaun jintintui wajuk shiig aneasa pujumainaita nuna. Nuigtushkam jintinjamui senchi puyatjumaitsui nuna nuniaku ayatak takaku shiig aneasa pujumaina nuna. Aatsa ausa weaku jujú papí, dekattame kuashat nuigtú tikich aina dushakam. Aatsam dipataik dipataik dekattame “ashí Apajuí Tabau agagbau asa atsumtaiyai” (2 Timoteo 3:16).
Jujú papí jiikbauwa duka Apajuí Chichamechui. Tujash, yaimpaktatui Apajuí Chichame augbaun. Duwi ausata Apajuí Chichame texto batsata nunú papí jiikbaunum awa nunú nuigtú texto tawa nunú apatkam diista ame unuimam nunú.
SHIIG ANENTAIMTUGMI
Unuimagmi wajuk Apajuí Chichame tikich aents aidaun yainke, wají dutikmainaita augbau wakegamu ajutti tusa nuigtushkam wagka pegkejaita tikich yaimpakui augmainaitan dusha.
3. Apajuí Chichame jintan inagtupawai
Apajuí Chichamega duka makichik jinta nujai betekai kashi suwea nuna tsapin emawai ii weamun iyajai tusa. Nunú jutiin yaimpaktatui shiig anentaibaun nuigtú dekamu atak atina nuna.
Ausatajum Salmo 119:105 nuigtú chichastajum jujú:
-
¿Wajina anentaimtujuita Apajuí Chichamenash juna Salmo agajua dusha?
-
¿Wajuk anentaimtame amesh Apajuí Chichame?
4. Apajuí Chichame aimui jutii iniibaun
Makichik nuwa igkugkui Apajuí Chichame aima nuna nii iniibaun kuashat mijan uyumaka pujamun. Diistajum VIDEO nuigtú chichastajum jujú:
-
¿Wají iniibau ajusuita nuwa?
-
¿Wajuk niina yaigkuita Apajuí Chichame augbaush?
Apajuí Chichame iniimsata tujamui. Ausatajum Mateo 7:7 nuigtú chichastajum jujú:
-
¿Apajuí Chichamen aimainapi tamek ame iniibaun? Iwainamu, ¿tu ainawa?
5. Wakegamu ajutjamainai Apajuí Chichame augbau
Kuashat aents aidau Apajuí Chichamen ausatatus wakegainawai nunú yainkaje. Diistajum VIDEO nuigtú chichastajum jujú:
-
¿Wajuk anentaimtuinawa augbaun datsauch aidau videonum batsata dusha?
-
¿Wagka diinawa betekchau Apajuí Chichame augbaush?
Apajuí Chichame anagtamui jintinkagtamu ichichkagtamun nuigtú dakamun. Ausatajum Romanos 15:4 nuigtú chichastajum jujú:
-
¿Wakegamek kuashat dekaatasamesh ichichkagtamun nuigtú dakamun Apajuí Chichame anagtawa dusha?
6. Antumainai Apajuí Chichame aan kuashat tikich aents yaimpakui
Tikich aents yainkam Apajuí Chichamen ausaja nunú kuashat yaigkaje. Ausatajum Hechos 8:26-31 nuigtú chichastajum jujú:
-
¿Wají atsumaji Apajuí Chichame antuktasaish? (Diistajum versículo aidau 30 y 31).
Aishmag Etiopíanmaya wakegajakui Apajuí Chichame augbau antumtijuktinme tusa. Yamai, kuashat aents aidau Apajuí Chichame augbaunak tikich aents yainawai.
TIKICH AENTS AIDAU TUINAWAI: “Apajuí Chichame augbau tsawan megkaenawai”.
-
¿Wajinpa amesh? ¿Wagka?
AME UNUIMAGBAU
Apajuí Chichame sujamui pegkeg chichaman pujutan, aimui iniibau shiig iman aidaun nuigtú sujamui ichichkagtamun nuigtú dakamun.
Aneakmek
-
¿Tu pegkeg aidauna igkumainaita Apajuí Chichamesh?
-
¿Tu iniibau aidau aimua Apajuí Chichamesh?
-
Amesh, ¿wají igkugtasamea wakegame Apajuí Chichamenish?
AAN KUASHAT EGAKTA
Egakta wagka Apajuí Chichame jintiamu aina dusha yamaish atsumnawa.
“La eterna sabiduría de la Biblia” (La Atalaya, núm. 1 2018)
Anentaimsata wajuk yaigkuita Apajuí Chichame makichik aents nii wake besemag pujamun depetkauwa nuna.
Dekaata Apajuí Chichame pegkeg chichaman sukagta nunú iina patayi shiig aneasa pujamun.
“12 claves para una familia feliz” (¡Despertad!, núm. 2 2018)
Diista Apajuí Chichame paan sukagta nunú anentaibau dewakbau ya inamua ju nugkanum tawa nunú.
