AUGBAU 03
¿Wagka dekaskeapi tumainaita Apajuí Chichame tawa dusha?
Apajuí Chichame kuashat anagtamui nuigtú pegkeg chicham aidau ayawai tusa. Kuashat aents aidau wakegainawai unuimagtasag. Ame iniimamainaitme: ¿Kajintsa anentaimtumainkait yaunchuk makichik papí agagbauwa dusha? ¿Dekaskeapi tumaimkait Apajuí Chichame shiig aneasa pujamu yamai nuigtú atak atinun tawa dusha? Kuashat aents aidau dekaske tuinawai. Tujash amesh anentaimsata, ¿dekaskekait?
1. ¿Apajuí Chichame tawa dusha dekaskekait?
Apajuí Chichamen tawai “chicham dekaskea nu aidau”, shiig dekaa agagbauwai (Eclesiastés 12:10). Jintiawai wají nagkaemakiu aidaun yaunchuk aents batsansau aina nuna (ausata Lucas 1:3 nuigtú 3:1, 2). Kuashat historiadores nuigtú arqueólogo aidau tiajui tsawan dekaskea nuna aents, yaakat aidaushkam nuigtú iman nagkaemakiuwai tusa Apajuí Chichame tawa nuna.
2. ¿Wagka kajintsa anentaimtumainaita Apajuí Chichame?
Tuke Apajuí Chichamen wají aan kuashat tiuwai entika yaunchuk dekaashbaun. Iwainamu, Apajuí Chichame augmatui ciencia pachisa. Apajuí Chichame agagbaunum kuashat aents betek anentainchamun wainkajui jujú ciencia tawa nuna. Tujash, yamai, ciencia tawa nu dekaskeapi taji Apajuí Chichamen. Niina chichamen “tuke kajintsa anentainji, yamaiya juwi atakea nuwishkam” (Salmo 111:8).
3. ¿Wagka dekaskeapi tumainaita Apajuí Chichame atak atinun pachisa tawa dusha?
Apajuí Chichamen tawai chicham uminkatin a “wají nagkaemagtinaita nuna” etsejui (Isaías 46:10). Dekaskea nuna etsegkauwai kuashat wají eke nagkaemataig. Nuigtúshkam, shiig augmatui wají yamai ju nugkanum nagkaema nuna. Ju jintiamunum wainkattaji tikich chicham uminkatin aidau Apajuí Chichamen, nuigtú wajuk uminkauwaita dushakam.
SHIIG ANENTAIMTUGMI
Wainkaji Apajuí Chichamen ciencia betek tawa nu nuigtú unuimagji tikich chicham uminkatin aidaun tawa nunú.
4. Ciencia Apajuí Chichame agagbaun dekaskea nuna tawai
Wainkaji, kuashat aents aidau anentaimtujui ju Nugkan pachisa. Diistajum VIDEO.
Diista agagbau papínum Job yaunchuk 3.500 mijan agagbauwa nunú. Ausatajum Job 26:7 nuigtú chichastajum jujú:
-
¿Wagka imanaita Apajuí Chichame Job 26:7 tawa dusha?
200 mijan wegaak dekawajui yumi wajukeawa nuna. Tujash shiig diista Apajuí Chichame yaunchuk kuashat mijan tibauwa nunú. Ausatajum Job 36:27, 28 nuigtú chichastajum jujú:
-
Tawai Job 36:27, 28 num, ¿amesh wajuk anentaimtame jusha?
-
Jujú texto aidau tawai, ¿wajuk yaijatua shiig kajintsa Apajuí Chichamen anentaibaunum?
5. Apajuí Chichame etsegkauwai wají iman nagkaemajuita nuna
Ausatajum Isaías 44:27-45:2 nuigtú chichastajum jujú:
-
¿Wajina tiuwaita Apajuí Chichame Babilonia atainiajui 200 mijan aidau yaunchuk tawa nuna?
Historia tawai mijan 539 makichik apu Persianmaya Ciro daagtin niina suntaji aidaujai yaakat Babilonia atainiajui. Dekatkau, yumi Babilonian tentea awa nuna ukuyawajui. Nunikmatai, waiti aidau ujanjauwai aatus atainiajui maanitsut. Jujú 2.500 mijan aidau nagkaemajui, tujash Babilonia tukee tsaikbau ajakui. Shiig diista Apajuí Chichame tibauwa nunú.
Ausatajum Isaías 13:19, 20 nuigtú chichastajum jujú:
-
¿Wajuk nagkaemakiuwaita chicham uminkatin tibauwa dusha?
Babilonia tsaikbauwa duka, Irak awai.
6. Apajuí Chichame tiuwai yamai uminkatin aina nuna
Apajuí Chichamen tawai yamai “tsawan nagkanbau” pujaji (2 Timoteo 3:1). Diista jujú texto aidau.
Ausatajum Mateo 24:6, 7 nuigtú chichastajum jujú:
-
¿Wají iman aidau Apajuí Chichamen tiuwaita tsawan nagkanbau pachisash?
Ausatajum 2 Timoteo 3:1-5 nuigtú chichastajum jujú:
-
Jujú Apajuí Chichame tawai, ¿wajuku ainawa aents aidau tsawan nagkanbaunum?
-
Jujú, ¿wainmainkait yamai?
TIKICH AENTS AIDAU TUINAWAI: “Apajuí Chichameg wainka augmatbau pachisa agagbauwai”.
-
¿Wajiya Apajuí Chichame dekaskeapi tutanash amawa?
AME UNUIMAGBAU
Ciencia, pujut augmatbau nuigtú chicham uminkatin agagbau aina duka iwainawai jutii aidauti Apajuí Chichame dekaskeapi tumaina nuna.
Aneakmek
-
¿Apajuí Chichame makichik papí wají dekas nagkaemakiu agagbaukait, atsa wainka augmatbau agagbaushit?
-
¿Apajuí Chichame tabau dekaskea nunash wajuk ciencia iwainawa?
-
¿Dekaskeapi tamek amesh Apajuí Chichame atak atinun tawa dusha? ¿Wagka aan anentaime?
AAN KUASHAT EGAKTA
Cientifico tawa nunú, ¿dekaskekait Apajuí Chichame tawa dusha?
“¿Concuerda la Biblia con lo que ha descubierto la ciencia?” (Artículo de jw.org)
¿Wajina iwainawa “tsawan nagkanbaunum” pujamunash?
“Seis profecías bíblicas en pleno cumplimiento” (La Atalaya, 1 de mayo de 2011)
Egakta wajuk uminkauwaita chicham uminkatin aidau Apajuí Chichame Imperio griego pachisa tawa nuna.
Diista wajuk dutikauwaita chicham uminkatin aidau Apajuí Chichame makichik aishmagkun.
a Atak chicham umigkatin, etsegbau aina duka Apajuínu ainawai.
