JINTIAMU 6
¿Awak dakamush jakaunush?
1. ¿Wajina dakawa Jakau aidaush?
Jisus nugkanum pujai, kumpají Lázaro jakauwai. Duka pujujakuí Betania, makichik yaaktaush tikiju Jerusalén aajakua nui. Jisus jegau, Lázaro ipaksumat jaka kintamai. Ijunag wegajui Marta Mariajai —umayí jajukbaujai—, Jisus weuwai ukusbaunum machik asag shiig kuashat ijunjaju. ¿Anemtaimtusia shiig aneamu Marta Mariajai wainak Jisus inanki nuna umayin? Ausata Juan 11:21-24, 38-44.
Yamajam chichama nuwi igkunui dekas dakamu nantamuk. Marta unuimaju aajakuí Jehuwá anagkagtak inanjattajai jakaunak ataktú pujustinme tusan nugka tibauwa nuna. Ausata Job 14:14, 15.
2. ¿Jakaush wajukeawa?
Apajuí tiuwai Adánkan: “Nugka jukí najanamu asam, nunismek nugka najaneatnaitme” (GÉNESIS 3:19).
Aentstik nugka yukukuntu jukí najanamuitji (Génesis 2:7; 3:19). Jutiik ainatsji wakantin iyashnum initak pujugbauk iik nejentin ukunchtin ainaji. Nunin asá jakauwaitkuik iwaaku wekaechauwaitji. Tuja iina iyashi jaakug, anentaibauk megkaewai. Duwi jakauk dekapeatsui waitiatsui. Nuaduí Lázaro, nantakig, ujakchauwai augmattsag nii nunik baujinak. Ausata Eclesiastés 3:20; 9:10.
Aents anentaimainawai Apajuí aentsun jakamtai waitkawai jiinum egkea apujus tusa, tujash duka dekaskechui. Ii shiig dekaamag nuwin, jakau aidauk shiig anentaimtsui. Tujamae Aniau asamtai jintiamu waitiamu tawa duka waitai tuja imanchau emawai Jehuwan, nunú anentaimat waitkamu jiinum tawa nunak Apajuík shiig dakitawai. Ausata Jeremías 7:31.
Distá jujú video: ¿Cuál es el estado de los muertos?
3. ¿Chichamainkait jakaujaish?
Jakau aidauk chichamaitsui nuigtush antumaitsui (Salmo 115:17). Tujashkam awai wakan pegkegchau tsanumin dekas aentsjai betek chichamain, nunú anentaimtikui aents jakauwa dutsukaitai tusa (2 Pedro 2:4). Nuaduí, Jehuwá shiig dakitawai utusanuk chichasag tusa kakanmamtanak jakaujai. Ausata Isaías 8:19.
4. ¿Ya aidauwa wakitkish pujusagtatua?
Shiig kuashat aents jiinau aina nunú wakitki pujusagtatui nugkanum. Nuigtushkam nantakiagtatui aents aina nuwiya Jehuwá dekachu asag pegkegchaun takasú aina dushakam. Ausata Salmo 37:29; Takasbau 24:15.
Nantakiu aidauk dekaawagtinai dekaskea nuna Apajuinun aantsag dekaskeapi tabaujinash iwainmamkagtinai Jisus umigbaunum (Iwainakbau 20:11-13). Dekas uminakug, shiig aneas pujut nagkanchaunum pujusagtinai nugká. Ausata Juan 5:28, 29.
5. ¿Wajina jintinkagtawa nantamush Jehuwanu pachisash?
Nantamuk dekamtijamui anejatbaujin tuja wait anenkajin Jehuwanum. Apajuí awemauwai Uchijin sujumankati pujutin jutiiní tusa, nuaduí dakaji. Tuja amesh, ¿ya wainkatasamea wakegame nantamunmash? Ausata Juan 3:16; Romanos 6:23.
