JINTIAMU 10
¿Wajuk amesh dekamainaitme Apajuí dekaskea nu nemagbaush?
1. ¿Makichki dekaskea nu Apajuí nemagbauk?
“Kuitamamkatajum: Apajuí chichame etsejin ainaji tusag, waitan jintinkagtuina nu tsanugmajainum” (MATEO 7:15).
Jisus niina saataijin jintintuawai dekaskea nuna Apajuí nemagbaun, nuna nii tiuwai jinta pujut nagkanchaunum ekagtin, Jisus tiuwai “machikiuchi [...] waidauk” tusa (Mateo 7:14). Apajuik wakegawai emematbau niina chichamen awa nunú betek umiamua nuna, ya aidau aatus emematuinawa duka ijutkauwai imá makichik dekaskeapi tabaunmak. Ausata Juan 4:23, 24; 14:6.
Distá jujú video: ¿Aprueba Dios todas las religiones?
2. ¿Wají tiuwaita Jisusash niina nemagjai tuinamu waita nunash?
“Nu chichainak Apajuinak nemagjai tuinawai, tujash dita takaamujin wainak tuina duka wainnawai” (TITO 1:16).
Jisus tiuwai agtinai waita etsejin tsuapau niina nemajuidaun tusa duka uminkae. Kuashat Jisukristu nemagjai tumamaina nuwiya dekaskenmak aentsnak tsanuawai. Nunin asamtai, yamai imá shiig dekamainai Apajuí dekas nemagbauk, wagki niijai ijutkau aina nunú wantinu takamujin asamtai dekas Jisukristu nemagbaunak. Ausata Mateo 7:13-23.
3. ¿Ya ainawa takainawa dekaskea nu nemagbaunash?
Diismí uweja amua makí makichik niimtin aidau:
-
Ajantus Apajuí chichamenak diinawai. Dekaskeapi tuinatsui aents ditak anentaimas jintiamunak, senchi kakanmamainawai umigkatatus iman umiktin tuke au Apajuí chichamen awa nuna (Mateo 15:7-9). Nuigtush, takainawai etsejuina nuna. Ausata Juan 17:17; 2 Timoteo 3:16, 17.
-
Ajantus diinawai Apajuí daajin, Jehuwan: Jisus dekamtikauwai Apají daajin. Niina pachis ujakuí aents aidaun tuja jintintuawai aja segatajum tusa pegkemtikim Apajuí daajiya nunú (Mateo 6:9). ¿Ame pujam nuwish tu Apajuí nemagbauwa Apajuí daajinash dekamtijamua? Ausata Éxodo 3:14, nota; Juan 17:26.
-
Etsejuinawai Apajuí inamtaijin. Jisusnak awemauwai ju nugkanmak etsegkati yamajam chicham inamtain pachís tusa, dekas aents aidau dakamua nuna. Tuja nunak jaakush idaisachui etsegbaunak (Lucas 4:43; 8:1). Nuigtushkam, tiuwai saataiji aidaun etsegkatajum nunú inamtai pachisjum tusa. Aatus asamtai ame pujamunum tajutjama inamtai pachis ujapakuish, ¿amesh dusha ya Apajuí nemajin tame? Ausata Mateo 24:14.
-
Ditak ijutkachu ainawai pegkegchau nugkanum awa nuig. Jisusa nemajin aidauk ijutkachu ainawai nugkanmaya unuimaja naatut aina nuwig, nuigtushkam pempeentuniki maanit aina nuwishkam (Juan 17:16; 18:36). Nuigtushkam ju nugkanmaya pegkegchau aina nunash takachu ainawai. Ausata Santiago 4:4.
-
Imá shiig iwaina duka ditanak ajuinawai iikdaisa senchi aneeniamuji. Apajuí chichame jintinjamui ajantusa ashí aents ditá nuna, tikich aents aidau akuish. Apajuí nemagji tinu aidau waita duka imá senchi yayawai maanitan, tujash Apajuí dekaskea nuna nemajuina duka nunak nunichu ainawai (Miqueas 4:1-3). Imá senchi uyumainawai wainkaush anentag tsawanta sumamas yaigtatus nii ijutkamu aidaun. Ausata Juan 13:34, 35; 1 Juan 4:20.
4. ¿Amesh wajuk ejemainaitme dekas Apajuí nemagbaush?
¿Tu Apajuí nemajin aidauwa Apajuí chichamenash dekas jintiawa, nuniakua Apajuí daajinash ajantus diyamui Apajuí Inamtai nayaimpinum awa duke aents dakamainuk tusash etsejuinawa? ¿Tuwaita imá makichik Apajuí nemagbau dekas aneenidau asag maanichu aina dusha? ¿Amesh wajuk anentaime? Ausata 1 Juan 3:10-12.
