DƖYƐZUMANLƐ 11
Anyɩnlɩlelɛ
KEZIMƆ ƐKƐYƐ YƖ:
-
Má odwokɔ yɩ ɩhã wʋ ahʋnlɩnɩ. Mmɩlɩ mɔ esiyeziyee wʋ nwʋ ɛkɛma wu egyimalilɛ nɩ, sunzú kezimɔ odwokɔ mɔɔ ɛkɛhã nɩ ihyinyia nɩ nwʋ bʋwɔ. Nwʋ́ ndwokɔ mɔɔ ɩwɔ numɔ nɩ bʋwɔ baaba, na ama ɔzʋ̃ wʋ ahʋnlɩnɩ nu wʋava wʋ ndwokɔ wʋahilehile numɔ.
-
Sunzú wʋ ediyelɛmaa nɩ bɔ nwʋ. Dwɩnɩndwɩnɩ́ kezimɔ mmenii mvʋlɔ bekenyia ndwokɔ mɔɔ ɛkɛɣɩnga anzɛnyɩɩ ekehilehile yɩ zʋ mfasʋ. Sunzú ɔhʋanɩ mɔɔ ɛkɛla ndwokɔ nɩ ali wɔ ɔhʋanɩ be zʋ mɔɔ ɩkɛma wʋ ediyelɛmaa nɩ, bekenyia anyɩnlɩzɔlɛ kezile bɛkɛma wʋ odwokɔ yɩ nɩ.
-
Ɔzʋ̃ wʋ ahʋnlɩnɩ nu kilehile. Fá ɛhyɩmɛ tɩndɛ. Fá eniiwudo mɔɔ bɛfa besizi ndwokɔ zʋ owudo nɩɩ wʋ anyunu nyɛlɩyɛ nɩ da kezimɔ ɛtɩ nɣanlɩ nɩ ali.