DƖYƐZUMANLƐ 13
Má Bɔnwʋ Mma Mɔɔ Ɩwɔ Nu
Ɛɣɛlɛwulɛ 3:21
MƆ ƖSƐ KƐƐ ƐYƐ: Bʋwá wʋ ediyelɛmaa nɩ ma bɔnwʋ kezimɔ mɔɔ ɛkãã nɩ ɩkã bɛ ɛbɩlawɔlɛ, na kilé bɛ ma bɔnwʋ kezimɔ bɛkɛva mɔɔ bosumaa nɩ bekeli egyima.
KEZIMƆ ƐKƐYƐ YƖ:
-
Dwɩnɩndwɩnɩ́ wʋ ediyelɛmaa nɩ bɔ nwʋ. Dwɩnɩ́ sianti mɔɔ wʋ ediyelɛmaa yɩ nɩ behyinyia odwokɔ yɩ nɩ nɩɩ yɩ titili, mɔɔ ɩkɔhʋla ɩkɔwʋwa bɛ nɩ nwʋ.
-
Wʋ egyimalilɛ munwala nu nɩ, kilé wʋ ediyelɛmaa nɩ mɔɔ bɛyɛ. Ɔzʋmɩ yɩ tʋwɔlɛ la nɩ, ɩsɛ kɛɛ ediyelɛmaa nɩ bo nu bela ɩtɩ nɣanlɩ kɛɛ, ‘Mɔɔ bɛkãã nɩ falɩ mʋ nwʋ.’ Ogua zʋ ekilehilee ndwokɔ aditili yi nu nɩ, kilé bɛ kezimɔ bɛkɛva bekeli egyima. Kã wʋ odwokɔ nɩ senyii.
