Ndwokɔ Be Ma Mmenii Mɔɔ Bɛba Ayiyialɩyɛ Nɩ
NGYƐVƲLƆLELƐMAA Ngyɛvʋlɔlelɛmaa nɩ be egyima yɛ lɛ kɛɛ bɔkɔwʋwa wʋ. Yesiãã wʋ, ɛ nɩɩ bɛ yɛ adwɩnɩ wɔ ɔhʋanɩhilelɛ mɔɔ ɩfalɩ dɩka mɔɔ ɛkɛva wʋ kaalɩ ekegyina, dɩka mɔɔ ɩsɛ kɛɛ oduwa, biyia mɔɔ bɛpɛ betiã ɛkɛnɩ bɛma abiye, nɩɩ nninyeni mvʋlɔ nɩ nwʋ.
ONLUMANLƐ Sɛ ɔhʋanɩhilelɛ fʋlɔ ɩába dɩyɛ a, mmenii mɔɔ bɛbanluma bɛ nɩ bɔkɔwʋwa ayuwa mɔɔ iziye anyunumi nɩ zʋ. Ɩsɛ kɛɛ onlumanlɛmaa nɩ bɔkɔ bɔbʋwa ɛkɛnɩ wɔ Fʋlɔ nwɔnɩ ansaana onlumanlɛ ndɛnɩ nɩ ɩawɔ yɩ tʋ. Ɩsɛ kɛɛ bo nu bela ɩfa nduhũ nɩɩ atalɩ mɔɔ ɩfata mɔɔ ikowula ɩba.
FƲTƲLƆYƖLƐ Bɔwɔ mmɔdɩnɩ bɛyɛ nhyɩhyɛlɩyɛ ma yenyia dɩka mɔɔ yɛkɔwʋwa, mahyini mɔɔ bɛtɩndɛlɩ numɔ, mahyini mɔɔ bɛfa bɛyɩ vidiyo, nɩɩ nninyeni mvʋlɔ mɔɔ ɩkɛma ayiyialɩyɛ nɩ ɩkɛyɛ anyɩnlɩlelɛ na ɩawʋwa yɛ ma yɛaɣike Gyehova bʋwɔ. Fʋtʋlɔ mɔɔ bɔzʋ̃ bɛ ahʋnlɩnɩ nu bɛkɛyɩ nɩ ɩkɔwʋwa ma yekoduwa ayiyialɩyɛ nɩ nwʋ kakɛ na yɛava yɛawʋwa oyuwadɩ munwala ɔzʋ̃mɩnlɛ egyima nɩ sʋ̃. Kɛmɔ ɩkɔwʋwa bɛ nɩ ti, bɛva fʋtʋlɔ nnɩka mɔɔ bɛhɛlɛ ɔnwʋmɔ nɩ beziye ayiyialɩyɛ yɩ tʋ dɩka bela. Yɛ anyɩ ɩsɔ fʋtʋlɔ mɔɔ bɛkɛyɩ nɩ baaba. Ɔhʋanɩhilelɛ Okuwu nɩ ɩda mʋnlʋmmɔ asɩ wɔ bɛ ahʋnlɩnɩ nu mɔɔ bɔzʋ̃ bɛyɩ fʋtʋlɔ bɛfa bɔbʋwa Bulombunlililɛ nwʋ nninyeni nɩ.
AWUDOLELƐDƖKA Yesiãã wʋ, ma ɩwʋwa wʋ adwɩnɩ nu kɛɛ ɩwɔ ɛkɛnɩ ɩma mmenii mɔɔ bɔ nwʋ ɩkɛba bɛ AƔILEVILE NU wɔ ayiyialɩyɛ yɩ tʋ nɩ.
DƖKA MƆƆ BƐPƖBƐ NNINYENI MƆƆ IMINLI Ɩsɛ kɛɛ bɛfa nninyeni mɔɔ iminli nɩ munwala bɔkɔ ɔzɔ azʋkɔlɩyɛ eyi. Sɛ wʋ dɩyɛ iminli a, kɔ́ azʋkɔlɩyɛ eyi na kɛbɩbɛ yɩ. Sɛ wʋ dɩyɛ iminli a, kɔ́ azʋkɔlɩyɛ eyi na kɛbɩbɛ yɩ. Nnwuakula mɔɔ beminli nɩ, ɩsɛ kɛɛ bɛfa bɛ bɔkɔ ɔzɔ azʋkɔlɩyɛ nɩ. Yesiãã wʋ kɛmɔ ɩkɛyɛ na wʋátɩɩdɩɩ mmeliyema nɩ, ma wʋ anyɩ ɩhɔ wu nnwuakula nwʋ na ɛ nɩɩ bɛ bɔwʋwa bɔwɔ nu.
BIYIA MƆƆ BƆBƲWA ZƲ Yesiãã wʋ, dwɩnɩ wʋ mmeliyema nwʋ. Kakɛ́ kɛɛ, sa ɔkʋla esiye biyia ɛma mmenii mɔɔ bɔwɔ wʋ abusunwa nu, mmenii mɔɔ ɛ nɩɩ bɛ bɔvʋlɩ kaalɩ bɔwɔlɩ nu, mmenii mɔɔ ɛ nɩɩ bɛ wɔ pika ɔkʋ̃ nu, anzɛnyɩɩ enii mɔɔ ɛ nɩɩ yɩ suma Bayɩbʋlʋ sikalɛpɛyɩ. Yesiãã wʋ, biyia mɔɔ elésiye ɛkɛma abiye nɩ, mɩáfa nninyeni esiyeziye ɔzʋlɔ.
BƆ NWƲ MƆƆ BOTU BƐMA Sɛ ɛpɛ kɛɛ ɔbʋwa wɔ egyima mɔɔ ɩkɔlɩ ɔzʋlɔ wɔ ayiyialɩyɛ nɩ yɩ tʋ nɩ a, yesiãã wʋ kɔ́ ɔzɔ azʋkɔlɩyɛ eyi.
AYIYIALƖYƐ TITILI
BULOMBUNLILILƐ ODWOKƆBAHANLƐMAA SUKUULU Ɔhʋanɩbukolɛmaa mɔɔ benyia alʋbɔ 23 kɔbʋmɩ 65 mɔɔ bɛ anyɩ ideli ɔnwʋmɔ kɛɛ bɛkɛdɛlɛ bɔ ɔzʋ̃mɩnlɛ nu nɩ, bɔtʋʋ salɛ bɔfʋlɛ bɛ kɛɛ bɛɣɩla ayiyialɩyɛ mɔɔ bɛkɛyɛ bɛkɛma Bulombunlililɛ Odwokɔbahanlɛmaa nɩ wɔ Bɔɔlɔ oyuwa. Sa bɛkã mmɩlɩ nɩɩ dɩka pɔkyɩɩ mɔɔ bɛkɛyɛ ayiyialɩyɛ nɩ bekile bɛ.
Gyehova Dasɩvʋlɔmaa bɛ Ɔhʋanɩhilelɛ Okuwu nɩ yɛ bɛyɛlɩ nhyɩhyɛlɩyɛ nɩ a
