“Mɔwʋ yɛ ɔwɔlɩ nninyeni munwatĩĩ a.”—Yikile 4:11

Mɩnla yɛ Bayɩbʋlʋ ikilehile yɛ ɩfalɩ Nyamɩnlɩ nwʋ a?

• Yikile 15:3

  Mɛyɩ yɛɛ ɩdɩ Tumivʋlɔ a, enii mɔɔ ɩwɔ tumi ɩtɛla abiyela wɔ amansɔnɩ yi nu.

• Yikile 1:8

  Ɩwɔ ɛkɛnɩ eɣile bela.

• Matiyu 6:9

  Nyamɩnlɩ ɩdɩ yɛ Zɩ.

  Ɩpɛ kɛɛ isi yɛ bʋwɔ baaba wɔ yɛ ɛbɩlawɔlɛ nu.

• Egyima 17:27

  Nyamɩnlɩ ɩpɛ kɛɛ ibike yɛ.

“Gyehova . . . yɛ ɩdɩ mi dima eɣile bela.” —Exodus 3:15

Mɩnla ti mɔɔ Nyamɩnlɩ yi dima nɩ ɔnwʋmɔ ihyinyia a?

• Psalm 83:18

  Nyamɩnlɩ ɩkã ikile yɛ kɛɛ, yi dima yɛ lɛ Gyehova. “Nyamɩnlɩ” nɩɩ “Niibenyia” bɛ́dɩ anlima. Bɛdɩ abodini, dɩkɛ “bulombunli” nɩɩ “manlɩbani.” Gyehova ɩpɛ kɛɛ ɛfa yi dima nɩ edi egyima.

• Exodus 3:14

  Yi dima yɩ nɩ ikile kɛɛ “Ɩma mɔɔ Ɩpɛ nɩ ɩyɛlɩ ɛkɛnɩ.” Iluwakɛɛ Gyehova yɛɛ ɩwɔlɩ dɩyɛ bela nɩ ti, sa ɩkʋla ɩma yɩ anʋhʋba nɩɩ yi tile nu pɔkɔ bela ɩba numɔ.

“Nyamɩnlɩ ɩdɩ ɔlɔlɛ.”—1 Dwɔɔnʋ 4:8

Mɩnla mfasʋ yɛ yenyia wɔ Nyamɩnlɩ yɩ ɔlɔlɛ zʋ a?

• Exodus 34:6; Psalm 37:28

  Ɩdɩ ngokɛnwʋnlɛvʋlɔ na ɩwɔ abadayɩ. Ɩdɔ nɔhʋanlɛlilɛ nɩɩ pɛlɩpɛlɩlilɛ.

• Psalm 86:5

  Ɩfa tanɩ ɩkyɛ.

• 2 Pita 3:9

  Ɩlɛ yɛ nwʋ abʋtalɩ.

• Yikile 15:4

  Ɩ nɩɩ yɛ di wɔ pɛlɩpɛlɩlilɛ nu.

“Bɛvá bɛ adwɩnɩndwɩnɩ munwatĩĩ bogua yɩ zʋ, iluwakɛɛ ɩdwɩnɩ mʋnlʋmmɔ bɔ nwʋ.”—1 Pita 5:7

Mɩnla yɛɛ ɩma ɔnwʋ yɩ kɛɛ, Nyamɩnlɩ ɩdwɩnɩ wʋ nwʋ amba a?

• Psalm 37:9-11

  Ɩwɔ anʋhʋba kɛɛ ɩkɛva atɩɩtɩɩ munwatĩĩ ɩkɛɣa awielɩyɛ na iaziyeziye nninyeni mɔɔ tanɩvʋlɔmaa bɛzɩkɛ yɩ nɩ munwala.

• Gyemisi 4:8

  Gyehova ɩpɛ kɛɛ ebike yɩ.

• Dwɔɔnʋ 17:3

  Mbɔmɩ sʋ̃maa mɔɔ osumaa Nyamɩnlɩ yɩ nwʋ dɩyɛ nɩ, mbɔmɩ sʋ̃maa nɩ la yɛ ɔkɔlɔ yɩ a.