“Bɛyɩ́ Gyehova ayɛlɛ, yɩ awɔvʋlɔ mɔɔ bɔwɔ tumi.”—Psalm 103:20

Mɩnla dɩyɛ yɛ yezi yɛfalɩ awɔvʋlɔ bɔ nwʋ a?

• Job 38:4-7

  Gyehova ilili bɔmʋnlɩ ɩwɔlɩ awɔvʋlɔ ansaana ɩbɛawɔ azɩlɛ nɩ.

• Yikile 5:11

  Awɔvʋlɔ abʋmɩ abʋmɩ sʋ̃maa zɛ yɛ bɔwɔ ɛkɛnɩ a.

• 1 Pita 1:11, 12

  Gyehova yi tile nu pɔkɔ mɔɔ ɩwɔ wɔ azɩlɛ nwʋ nɩ, ɔnwʋmɔ ihyinyia awɔvʋlɔ nɩ baaba.

• Luuku 15:10

  Awɔvʋlɔ nɩ bɛ anyɩ ideli mmenii mɔɔ bɔsʋ̃mɩ Gyehova nɩ bɔ nwʋ.

“Gyehova yɩ awɔvʋlɔ nɩ botua beyiyia mmenii mɔɔ bokunlu ituli yɩ nwʋ nɩ bɔ nwʋ, na ide bɛ.” —Psalm 34:7

Yɛyɛ mɩnla yɛnwʋ yɩ kɛɛ awɔvʋlɔ bɔkʋla bɔbʋwa mmenii a?

• Genesis 19:15, 16; Daniel 6:22; Luuku 22:43; Egyima 12:6-11

  Awɔvʋlɔ bɔwʋwalɩ Lɔɔtʋ, Danɩyɛlɩ, Gyisɛsɩ, nɩɩ Pita.

• Hibulumaa 1:7, 14

  Nnɛ sʋ̃, Gyehova iduwa yɩ awɔvʋlɔ nɩ bɔ zʋ ɩbʋwa na ɩbɔ yɩ azʋ̃mɩvʋlɔ bɔ nwʋ banɩ.

“Ama Abɔnsamɩ iálili yɛ zʋ nkunimi, iluwakɛɛ yezi yɩ ahʋanɩ munwatĩĩ.”—2 Kɔlɛntɩmaa 2:11

Aninyiammɔ yɛ lɛ awɔvʋlɔ tanɩ a, na mɩnla ti mɔɔ bɔ nwʋ ɩyɛ ɛyɛlɛ a?

• Yikile 12:9

  Bɔvʋlɔ be idwodwuli idiyialɩ Gyehova. Yi dima lɛ Setanɩ.

• Genesis 6:2

  Wɔ Nowa yɩ mmɩlɩ zʋ nɩ, awɔvʋlɔ be bodwodwuli bediyialɩ Nyamɩnlɩ na bɛɣalɩ azɩlɛ yɩ zʋ.

• Matiyu 9:34

  Ɔzɔ awɔvʋlɔ nɩ bɔhɔ bɛhɩnlanlɩ Setanɩ yɩ nwʋ ma bodwodwuli bediyialɩ Nyamɩnlɩ, na bɛɣa bɛyɛlɩ awɔvʋlɔ tanɩ.

• Deuteronomy 18:10, 11

  Awɔvʋlɔ tanɩ bɔbɔ mmɔdɩnɩ kɛɛ bɛkɛlahɩlɩlahɩlɩ mmenii na bɛabila bɛ wɔ ɔhʋanɩ bela zʋ.

“Mʋnlʋmmɔ begyiná pindinyii wɔ Abɔnsamɩ yɩ anyunu na ɩzʋ̃ bɔ nwʋ ikeɣiandi.”—Gyemisi 4:7

Mɩnla ɔhʋanɩ zʋ yɛ Gyehova ɩkɔhʋla ɩkɔwʋwa wʋ ma ɔkɔhʋ̃ ekediyia Setanɩ nɩɩ awɔvʋlɔ tanɩ nɩ a?

• Egyima 19:19

  Sɩkɛ́ dɩyɛ bela mɔɔ ɩma azunzuma evinli ndwokɔlilɛ anzɛnyɩɩ ngongyiayɩlɛ ɩyɛ dɩyɛ mɔɔ ɩyɛ anyɩnlɩlelɛ anzɛnyɩɩ ɛyɛlɛ nɩ donwuu donwuu.

• Ɛfɩsɛsɩmaa 6:16, 18

  Má wʋ dedi nu ɩyɛ ɛzɩzɩbɛ iluwa Bayɩbʋlʋ mɔɔ okozuma nɩ zʋ, na bɔ́ mpayɩ pɩbɛ Gyehova yɩ ɛkɛnɩ banɩwɔlɛ.

• Proverbs 18:10

  Fá Gyehova yi dima nɩ di egyima.