“Ɩbalɩ nɔhʋanlɛ Nyamɩnlɩ nɩ kɛɛ ɩkɛyɛ tanɩ, nɩ dɩyɛ munwala zʋ tumivʋlɔ nɩ kɛɛ ɩkɛyɛ mɔɔ ɩádɩnɣɛ!” —Job 34:10

Mɩnla ti mɔɔ amanɩyɛnwʋnlɛ iwuli ɔzʋlɔ wɔ oyuwadɩ yi nu zɛ yɩ a?

• 1 Dwɔɔnʋ 5:19

  Setanɩ Abɔnsamɩ yɛ idii oyuwadɩ eyi zʋ bulombunli a.

• Ecclesiastes 8:9

  Mmenii be bɛma bɔ ɔhɔnwʋmmɔ bɛfa atɩɩtɩɩ nu.

• Ecclesiastes 9:11

  Itwu mmɩlɩ be a, mmenii bɔnwʋ amanɩyɛ iluwakɛɛ, asianɩ ɩtʋ bɛ wɔ mmɩlɩ mɔɔ bɛáhila yɩ ɔhʋanɩ.

• 1 Pita 5:7

  Gyehova ɩdɔ adasamaa baaba. Na ikyi kɛɛ ɩkɔnwʋ kɛɛ bɔnwʋ amanɩyɛ.

“Nyamɩnlɩ izi kɛɛ. . . bɛ anyɩ ikowuko na bɛayɛ kɛɛ Nyamɩnlɩ, na bɛanwʋ baaba nɩɩ tanɩ.”—Genesis 3:5

Mɩnla ti mɔɔ Gyehova iábu yɩ anyɩ ikua odwokɔ mɔɔ Setanɩ ɩhanlɩ nɩ zʋ a?

• Genesis 3:2-5

  Setanɩ ɩhanlɩ kɛɛ Nyamɩnlɩ ɩ́dɩ tumivʋlɔ baaba. Nɩ Setanɩ ɩpɛ kɛɛ mmenii bede bedi kɛɛ bɔwɔ ɔnwʋmɔ ɔhʋanɩ kɛɛ bɛyɛ mɔɔ bɛzabɛ bɛpɛ, kɛ ɩdɩ baaba anzɛnyɩɩ tanɩ.

• Job 38:7

  Setanɩ idwodwuli idiyialɩ Gyehova wɔ awɔvʋlɔ abʋmɩ abʋmɩ sʋ̃maa zɛ bɛ anyunu.

“Íni desanii yi sa nu kɛmɔ iluwaa, ikodudu yi agyia.”—Jeremiah 10:23

Mɩnla ti mɔɔ adasamaa bɔnwʋ amanɩyɛ bɛhyɛ zɛ yɩ a?

• Isaiah 55:9

  Adasamaa bodwe aɣanɩ azʋlɔtʋ sʋ̃maa zɛ behila, naasʋ̃ bɛáhʋla bedi oyuwadɩ yɩ zʋ bʋwɔ iluwakɛɛ Nyamɩnlɩ ɩáhɩnla bɔ nwʋ.

• 2 Pita 3:9

  Gyehova yɩ abʋtalɩ nɩ ɩma yɛ ɔnwʋmɔ ɔhʋanɩ ma yɛnwʋ yɩ, na yesi pɔkɔ kɛɛ yɛkɛva mɛyɩ kɛɛ Yɛzʋhilalɛvʋlɔ.

• 1 Dwɔɔnʋ 3:8

  Gyehova ikoluwa Gyisɛsɩ zʋ ikeziyeziye nninyeni mɔɔ Setanɩ ɩzɩkɛ yɩ nɩ munwala.

“Mɩ ɣa, yɛ́ nɣɛlɛbɛvʋlɔ, . . . na ama mɩahʋla mɩawuwa enii mɔɔ ɩtɩndɛ itiyia mɩ nɩ.”—Proverbs 27:11

Mɩnla ti mɔɔ Gyehova ɩáhyɛ yɛ kɛɛ yɛzʋ̃mɩ yɩ a?

• Proverbs 30:24

  Nnamɩ bɔzʋ̃ nɣanlɩdɩlɛ nu titili yɛ bɛyɛ bɛ dɩyɛ a, naasʋ̃ Gyehova ɩma yɛ fanwʋdi. Sa yɛkʋla yesi pɔkɔ kɛɛ yɛkɔzʋ̃mɩ yɩ anzɛnyɩɩ yɛlɔ́sʋ̃mɩ yɩ.

• Matiyu 22:37, 38

  Gyehova ɩpɛ kɛɛ yesi pɔkɔ kɛɛ yɛkɔzʋ̃mɩ yɩ iluwakɛɛ yɛdɔ yɩ nɩ ti.