“Eyi ti yɛ mukua mɩ nakʋlaba anyunu azɩ mɩma Ɛzɩlɛ nɩ a. Ɛzɩlɛ nɩ mɔɔ mɛyɩ yɛ ɩma abusunwa bela mɔɔ ɩwɔ sʋlɔ, nɩɩ mɔɔ ɩwɔ azɩ nɩ bɔwɔ ɛkɛnɩ nɩ.”—Ɛfɩsɛsɩmaa 3:14, 15

Kɛ ɩkɛyɛ na wʋ abusunwa bɛ anyɩ ale a?

• Genesis 1:26-28

  Gyehova yɛɛ ɩwɔlɩ abusunwa mɔɔ ili bɔmʋnlɩ nɩ a.

• Ɛfɩsɛsɩmaa 5:1, 2

  Abusunwa nu anyɩnlɩlelɛ nɩ igyĩ ozumanlɛ mɔɔ bokozuma Gyehova nɩɩ Gyisɛsɩ nɩ bɔ zʋ.

“Ɩwɔ kɛɛ ohunɛ bela ɩdɔ yɩ yɩ . . . na ɛyɩlɛ bela sʋ̃ idi yi hũ nni.”—Ɛfɩsɛsɩmaa 5:33

Mɩnla ɔhʋanɩ zʋ yɛ ɩsɛ kɛɛ ohunɛ nɩɩ ɛyɩlɛ bɛ nɩɩ bɔ nwʋ di a?

• Ɛfɩsɛsɩmaa 5:22-29

  Ohunɛ yɛ ikila abusunwa yɩ nɩ zʋ a. Ɩsɛ kɛɛ ɩdɔ yɩ yɩ, na ɩsɛ kɛɛ yɩ yɩ sʋ̃ ɩbʋwa pɔkɔ bela mɔɔ yi hũ ikezi nɩ.

• Kolosiyiamaa 3:19; 1 Pita 3:4

  Ɩsɛ kɛɛ bɛda kunlumiba ali na bɛda ɔlɔlɛ ali bekile bɔ nwʋ nkʋ̃kʋ̃ nkʋ̃kʋ̃.

• 1 Pita 3:1, 2, 7

  Ɩsɛ kɛɛ ohunɛ nɩɩ ɛyɩlɛ bɛda nnililɛ nɩɩ owulɛ ali bekile bɔ nwʋ bɔ nwʋ.

• 1 Timoti 5:8; Tayɩtɔsɩ 2:4, 5

  Ɩsɛ kɛɛ ohunɛ ikila yɩ abusunwa. Na ɩsɛ kɛɛ ɛyɩlɛ sʋ̃ ikila yɩ awudomaa bɔ zʋ bʋwɔ.

“Máma mʋnlʋmmɔ bɛkã bɛ mma ma bɛfa ɛya, mfomi mʋnlʋmmɔ bɛdɩdɩ bɛ na behilehile bɛ kɛmɔ Niibenyia ɩpɛ yɩ nɩ.”—Ɛfɩsɛsɩmaa 6:4

Mɩnla asɛdɩ yɛɛ awʋvʋlɔ bɔwɔ a?

• Deuteronomy 6:4-9; Proverbs 22:6

  Ɩsɛ kɛɛ ede mmɩlɩ ekilehile wʋ nnwuakula Gyehova ɩnwʋ dɩyɛ. Ɩsɛ kɛɛ ɔbɔ yɩ tʋ wɔ mmɩlɩ mɔɔ bɛdɩ mmɔdɔma nɩ. Mmɩlɩ mɔɔ ɛdaa abʋtalɩ ali nɩ, bʋwa bo nu bela ma ɩɣa ɩyɛ Gyehova yɩ ɔhɔnwʋ.

• 1 Pita 5:8

  Kilehile wʋ nnwuakula nɩ kɛmɔ bɔkɔhwɩ̃ bɔ nwʋ wɔ mmenii mɔɔ bɛkɛhyɛ bɛ kɛɛ bɛ nɩɩ bɛ da nɩɩ asianɩ azʋlɔtʋ nwʋ.

• Jeremiah 30:11; Hibulumaa 12:9-11

  Ɩsɛ kɛɛ ɛtɩnyɩa wʋ nnwuakula nɩ, naasʋ̃ íni kɛɛ ɛyɛ wɔ ɛya anzɛnyɩɩ atinuzɩzɩbɛ zʋ.

“Nnwuakula a,  . .  ɩdɩ mʋnlʋmmɔ bɛ asɛdɩ kɛɛ bekediye bɛ awʋvʋlɔ bo odwokɔ.”—Ɛfɩsɛsɩmaa 6:1

Nnwuakula, mɩnla ti mɔɔ ɩsɛ kɛɛ bɛyɛ sutiye bɛma bɛ awʋvʋlɔ a?

• Proverbs 23:22-25; Kolosiyiamaa 3:20

  Sutiye mɔɔ bɛkɛyɛ nɩ, ɩkɛma Gyehova nɩɩ bɛ awʋvʋlɔ bɛ anyɩ ikele.

• 1 Kɔlɛntɩmaa 15:33

  Fá mmenii mɔɔ bɔdɔ Gyehova nɩ kɛɛ wʋ ɔhɔnwʋmmɔ. Na eyi ɩkɛma ɩkɛyɛ mɛlɛkɛ ɩkɛma wʋ kɛɛ ɛkɛyɛ mɔɔ ɩtɩnɣɛ.