“Ɔhʋanɩ nɩ mɔɔ ɩkɔɔ nnwʋanlɩ mɔɔ íni awielɩyɛ nɩ nu nɩ ɩdɩ ɛdɩnɣa; numɔluwalɛ sʋ̃ ɩyɛ ɛzɩzɩbɛ, meti mmenii ɛgyɩkɩ̃ɩ̃ be la yɛ bɔnwʋ yɩ a.”—Matiyu 7:14

Yɛyɛ mɩnla yɛnwʋ yɩ kɛɛ, Nyamɩnlɩ iále ɔzʋ̃mɩnlɛ bela itiã numɔ a?

• Matiyu 7:21-23

  Nyamɩnlɩ iále ɔzʋ̃mɩnlɛ munwala itiã numɔ. Kɛ ɔzʋ̃mɩnlɛ munwala yɛ bɛyɛ Nyamɩnlɩ yɩ apɛdɩ a.

• Matiyu 7:13, 14

  Nɔhʋanlɛ ɔzʋ̃mɩnlɛ ɩkɔɔ nnwʋanlɩ mɔɔ íni awielɩyɛ nu. Awohwi ɔzʋ̃mɩnlɛ ɩkɔɔ ɛzɩkɛlɛ nu.

• Matiyu 7:16, 17

  Sa ɔkʋla ɔnwʋ nɔhʋanlɛ ɔzʋ̃mɩnlɛ iluwa bɛ nyɛlɩyɛ zʋ. Iáhyinyia kɛɛ ekyima asɔlɩ munwatĩĩ nu ansa, mfomi suma mɔɔ Bayɩbʋlʋ ɩkã yɩ nɩ la.

• 1 Tɛsalonikamaa 2:13; 2 Timoti 3:16, 17

  Dé mɔɔ Bayɩbʋlʋ ɩkã nɩ di na kilehile mɔɔ ɩkã nɩ la.

• Matiyu 4:10; Dwɔɔnʋ 17:6

  Sʋ̃mɩ́ Gyehova na fa yi dima nɩ di egyima.

• Dwɔɔnʋ 13:35

  Dá ɔlɔlɛ kanyɩɩ ali kile abiyela.

• Dwɔɔnʋ 3:36; Egyima 4:12

  Tiyé Gyisɛsɩ. Nyamɩnlɩ iduwa Gyisɛsɩ yɩ zʋ ide yɛ nnwʋanlɩ.

• Dwɔɔnʋ 18:36; Egyima 5:29

  Mɩáfa wʋ nwʋ wula manlɩwulɛ ndwokɔ nu.

• Matiyu 24:14; 6:10

  Kilehile mmenii kɛɛ Nyamɩnlɩ yi Bulombunlililɛ nɩ yɛ ɩdɩ ndwokɔ ɛzɩzɩbɛ mɔɔ yeyiyia nɩ yi munwa awudo ɔkʋ̃ pɛ a.

Sɛ ɛpɛ kɛɛ Nyamɩnlɩ ide wʋ ɔzʋ̃mɩnlɛ itiã numɔ a, mɩnla dɩyɛ yɛ ɩsɛ kɛɛ ɛyɛ a?

• Gyemisi 2:19

  Elelɛ mɔɔ ekele Nyamɩnlɩ ekeli nɩ ɩázʋ̃nɩ. Ɩsɛ kɛɛ ɛyɛ mɔɔ ɩkã wɔ Bayɩbʋlʋ yi nu nɩ.

• Isaiah 52:11; Yikile 17:5

  Awohwi ɔzʋ̃mɩnlɛ, anzɛnyɩɩ ‘Babilɔnʋ Kezile’ nɩ, bekilehile mmenii ma bɔsʋ̃mɩ Nyamɩnlɩ wɔ ɔhʋanɩ mɔɔ iále itiã numɔ nɩ zʋ. Nyamɩnlɩ asã mɔɔ bɔbɔ numɔ ɔkʋ̃ (Trinity), ɛkɛla mɔɔ iáwu kyɩ̃, nɩɩ abɔnsamɩ sɩnɩ ehilehilelɛ nɩ yɛ awohwi ɔzʋ̃mɩnlɛ bekilehile a.

• Yikile 18:4, 8

  Ɩlɛ́kyɛ, Gyehova ɩbazɩkɛ awohwi ɔzʋ̃mɩnlɛ munwatĩĩ. Ɩsɛ kɛɛ ɔpʋ dɩyɛ bela mɔɔ ɩ nɩɩ awohwi ɔzʋ̃mɩnlɛ wɔ abusunwawɔlɛ nɩ.

• Maakɩ 10:28-30

  Sa eyiyia odwohilalɛ, naasʋ̃ Gyehova ɩlɔ́pʋ wʋ.