“Gyehova ibike mmenii mɔɔ bɔfʋlɛ yɩ nɩ, mmenii mɔɔ bɔfʋlɛ yɩ wɔ nɔhʋanlɛlilɛ nu nɩ.”—Psalm 145:18

Sɛ yɛpɛ kɛɛ Gyehova itiye yɛ mpayɩwɔlɛ a, mɩnla dɩyɛ yɛ ɩsɛ kɛɛ yɛyɛ a?

• Hibulumaa 11:6

  Ɩsɛ kɛɛ yenyia dedi.

• Psalm 138:6

  Ɩsɛ kɛɛ yɛkã yɛ nwʋ azɩ na yɛda annidi ali.

• Gyemisi 2:26

  Ɩsɛ kɛɛ yɛma yɛ nyɛlɩyɛ nɩɩ yɛ mpayɩwɔlɛ iyiyia.

• Matiyu 6:7, 8

  Ɩsɛ kɛɛ yɛzʋ̃ yɛ ahʋnlɩnɩ munwala nu yɛbɔ mpayɩ. Íni kɛɛ yetĩ ndwokɔ ɔkʋ̃ la nu yɛkã yɩ mbɔmɩ sʋ̃maa wɔ yɛ mpayɩwɔlɛ nu.

• Isaiah 1:15

  Ɩsɛ kɛɛ yɛbɔ yɛ ɛbɩla ma ɩ nɩɩ Nyamɩnlɩ yɩ apɛdɩyɛlɛ iyiyia.

• Aninyia yɛɛ ɩsɛ kɛɛ yɛbɔ yɩ mpayɩ a?

  Matiyu 6:9; Dwɔɔnʋ 14:6

• Asʋ̃ ɩsɛ kɛɛ yeduwa ɔhʋanɩ titili be zʋ yɛbɔ mpayɩ a?

  1 Chronicles 17:16; Nehemiah 8:5, 6; Daniel 6:10; Maakɩ 11:25

• Asʋ̃ Gyehova itiye mpayɩ mɔɔ yɛbɔ wɔ ye ti nu nɩ a?

  Nehemiah 2:1-6

• Mmɩlɩ tɩndɩnlɩ anã yɛ ɩsɛ kɛɛ yɛfa yɛbɔ mpayɩ a?

  1 Samuel 1:12, 15; Luuku 20:46, 47

• Mbɔmɩ dʋdʋ anã yɛ ɩsɛ kɛɛ yɛbɔ mpayɩ a?

  Wulomimaa 12:12; 1 Tɛsalonikamaa 5:17

• Mɩnla ti mɔɔ yɛkã “amɩnɩ” wɔ mpayɩ yɩ awielɩyɛ a?

  1 Chronicles 16:36; 1 Kɔlɛntɩmaa 14:16

“Yebizia dɩyɛ bela wɔ yɩ ɛkɛnɩ kɛmɔ ɩpɛ a, itiye yɛ.”—1 Dwɔɔnʋ 5:14

Mɩnla nninyeni zɛ yɛ yɛkɔhʋla yɛkɔwɔ ɔnwʋmɔ mpayɩ a?

• Matiyu 6:9, 10

  Bɔ́ mpayɩ kɛɛ Gyehova yɩ apɛdɩ ɩyɛlɩ ɛkɛnɩ.

• 1 Chronicles 29:10-13

  Bɔ́ mpayɩ fa da anyɩnlɩzɔlɛ ali.

• Matiyu 6:11-13

  Bɔ́ mpayɩ falɩ wʋ ahyinyiadɩ nɩɩ wʋ ndwokɔ ɛzɩzɩbɛ nwʋ.

• Luuku 11:13

  Bɔ́ mpayɩ pɩbɛ sunzuma nwanzanwanza.

• Gyemisi 1:5

  Bɔ́ mpayɩ pɩbɛ nɣɛlɛbɛ na ama wʋahʋla wuazi pɔkɔ baaba.

• Fɩlɩpɩmaa 4:13

  Bɔ́ mpayɩ pɩbɛ anwʋzɩzɩbɛ na ama wʋahʋla wuagyina bʋwabɩlɛ bela yi munwa.

• Ɛfɩsɛsɩmaa 1:3, 7

  Bɔ́ mpayɩ fa siã tanɩfakyɛ.

• Egyima 12:5

  Bɔ́ mpayɩ ma mmenii mvʋlɔ.

“O mpayɩ idiyelɛvʋlɔ, mɔwʋ wʋ pɛ yɛ mmenii azʋlɔtʋ munwala bɛkɛɣa a.”—Psalm 65:2

Mɩnla ɔhʋanɩ zʋ yɛɛ Gyehova ibuwa yɛ mpayɩwɔlɛ a?

• Proverbs 12:25; Yikile 14:6

  Gyehova ɩkɔhʋla ikoluwa awɔvʋlɔ anzɛnyɩɩ mmenii zʋ ma bɔkɔwʋwa yɛ.

• 2 Kɔlɛntɩmaa 4:7

  Yi sunzuma nwanzanwanza nɩ ɩma yɛ mmʋwalɩyɛ mɔɔ yehyinyia.

• Fɩlɩpɩmaa 4:6, 7, 13

  Ɩma yɛ azʋ̃nudwolɩyɛ nɩɩ anwʋzɩzɩbɛ mɔɔ yehyinyia nɩ na ama yeagyina bʋwabɩlɛ bela yi munwa.

• Galatiyiamaa 6:1; 2 Timoti 3:16, 17

  Iduwa Bayɩbʋlʋ nɩɩ asafʋ yɩ zʋ ɩma yenyia nɣɛlɛbɛ.