“Ɛdɩnɣɛlɛmaa nɩ bekenyia azɩlɛ zʋ bekelili, na bɛawʋwa ɔzʋlɔ eɣile bela.”—Psalm 37:29

Mɩnla ti mɔɔ Nyamɩnlɩ ɩwɔlɩ enii a?

• Genesis 1:28

  Nɩ Nyamɩnlɩ ɩpɛ kɛɛ mmusunwa bɛdanɩ azɩlɛ nɩ paladayɩsɩ, na bɛahila nnamɩ nɩ bɔ zʋ.

• Isaiah 55:11, Hibulumaa 6:17

  Nyamɩnlɩ ɩkɛyɛ mɔɔ ɩwɔ yi ti nu pɔkɔ kɛɛ ɩkɛyɛ nɩ, na dɩyɛ bela ɩlɔ́kʋla ikezi yɩ ɔhʋanɩ.

“Abɔnsamɩ idi oyuwadɩ eyi zʋ bulombunli.” —1 Dwɔɔnʋ 5:19

Aninyia yɛ idi oyuwadɩ yɩ zʋ a?

• Dwɔɔnʋ 12:31

  Gyisɛsɩ ɩvʋlɔlɩ Setanɩ kɛɛ mɛyɩ yɛɛ isiyee anzɛnyɩɩ ikilaa oyuwadɩ yɩ zʋ a.

• Gyemisi 1:13-15

  Setanɩ yɩ anyɩ ɩwʋlʋlɩ dɩyɛ mɔɔ nɩ ɩ́dɩ yɩ dɩyɛ.

• Genesis 2:17; 3:1-6

  Setanɩ ɩlahɩlɩlɩ Yifi, Adamɩ nɩɩ Yifi bɛátiye Nyamɩnlɩ, na aɣinzi nɩ, Adamɩ nɩɩ Yifi bo munwala bowuli.

• Wulomimaa 3:23; 5:12

  Yewu iluwakɛɛ Adamɩ ɩvalɩ tanɩ ɩwʋlɩ ye munwatĩĩ.

• 2 Kɔlɛntɩmaa 4:3, 4

  Setanɩ ɩdahɩlɩ mmenii.

“Wu Bulombunlililɛ ɩɣɩla, bɛyɛ́ wʋ apɛdɩ wɔ azɩlɛ yɩ zʋ.”—Matiyu 6:10

Mɩnla dɩyɛ yɛ Gyehova ɩkɛyɛ a?

• Yikile 11:15

  Nyamɩnlɩ yɩ aɣanɩ nɩ ɩkɛɣa ikeziye oyuwadɩ aɣanɩ munwatĩĩ be agyia nu.

• Yikile 16:14-16

  Nyamɩnlɩ ɩkɛzɩkɛ oyuwadɩ tanɩ eyi wɔ Amagadɔnʋ.

• Isaiah 9:6, 7

  Gyehova ɩyɩ Gyisɛsɩ kɛɛ Bulombunli wɔ Yɩ sʋlɔ aɣanɩ nɩ zʋ. Gyisɛsɩ ikeli azɩlɛ yɩ zʋ bulombunli.

“Obuko wʋ sa nu na ɛma mmenii mɔɔ bɛda azɩ nɩ munwala benyia mɔɔ bɛpɛ bedi nɩ ma be mi ɩkyɩ̃.”—Psalm 145:16

Nyamɩnlɩ yi Bulombunlililɛ nɩ, mɩnla dɩyɛ yɛɛ ɩkɛyɛ ɩkɛma yɛ a?

• Psalm 46:9

  Kʋnɛ, amumuyɛ, nɩɩ bɛsabɛsayɛlɛ ikodua numɔ.

• Isaiah 32:18; 65:21-24

  Wɔ oyuwadɩ fʋlɔ nu nɩ, abiyela kenyia aliyia nɩɩ toolo mɔɔ ɩyɛ pɩkɛ na sa yɛbʋwa azɩ wɔ azʋ̃nudwolɩyɛ nu.

• Psalm 72:16

  Alɩyɛ ikowuli ɔzʋlɔ.

• Isaiah 11:6-9

  Sa azʋ̃nudwolɩyɛ ɩba mmenii nɩɩ nnamɩ bɛ avinli.

• Isaiah 33:24; Egyima 24:15

  Abiyela nwʋ ɩlɛ́payɩ, na awuvʋlɔ sʋ̃ bekezia bɛkɛɣa nnwʋanlɩ nu dɔkʋ̃.