‘Mɩzamɩ enii Ɣalɛ nɩ mɩɣalɩ, na mɩavá mʋ nnwʋanlɩ miadiã ɛkɛnɩ mɩava miale mmenii sʋ̃maa.’ —Matiyu 20:28

Mɩnla ti mɔɔ yehyinyia elelɛdɩyɛ nɩ a?

• Genesis 3:17-19

  Mmɩlɩ mɔɔ Adamɩ ɩyɛlɩ Nyamɩnlɩ yɩ zʋ azʋ̃nzɩzɩbɛ nɩ, ɔhɔnwʋvalɛ sʋnʋnkʋ̃ mɔɔ nɩ ɩ nɩɩ Gyehova bɔwɔ, yɩ nnwʋanlɩ mɔɔ nɩ idi munli, nɩɩ yɩ Paladayɩsɩ awudo nɩ munwala ɩwɔlɩ yɩ.

• Wulomimaa 5:12

  Iluwa mɔɔ Adamɩ ɩyɛlɩ nɩ ti yɛɛ tanɩ nɩɩ owulo ɩɣalɩ yɛ zʋ a.

• Ɛfɩsɛsɩmaa 1:7

  Elelɛdɩyɛ nɩ ɩdɩ ɔhʋanɩ mɔɔ Gyehova iluwalɩ zʋ ɩva ɩbɔnɩnlɩ yɛ wɔ tanɩ nɩɩ owulo nu.

‘Nyamɩnlɩ ɩzʋ̃manlɩ yɩ Ɣa nɩ ɩma ɩɣalɩ oyuwadɩ kɛɛ yeluwá yɩ zʋ yenyia nnwʋanlɩ.’—1 Dwɔɔnʋ 4:9

Mɩnla ɔhʋanɩ zʋ yɛ Gyehova ɩvalɩ elelɛdɩyɛ nɩ ɩmanlɩ a?

• Psalm 49:7, 8

  Ye nu bela íni ɛkɛnɩ mɔɔ ɩkɔhʋla ikoduwa nnwʋanlɩ mɔɔ idi munli mɔɔ ivili Adamɩ yɩ sa nɩ.

• Luuku 1:35

  Gyehova ɩzʋ̃manlɩ yɩ Ɣa mɔɔ ɩsʋ̃mɩ bʋlɔ nɩ wɔ azɩlɛ yɩ zʋ ma bɔwʋlɩ yɩ kɛɛ enii mɔɔ idi munli.

• Wulomimaa 3:23, 24; Hibulumaa 9:24

  Bodunwoli Gyisɛsɩ yɩ mɛda nɩ, izialɩ ɩhɔlɩ sʋlɔ, na ɩvalɩ bʋlɔ mɔɔ yɩ nnwʋanlɩ mɔɔ idi munli nɩ ɩtʋ nɩ ɩhɔ ɩmanlɩ Gyehova kɛɛ elelɛdɩyɛ nɩ.

“Ɩbabɩba bɛ anyɩ tʋ mʋnlɩ munwatĩĩ. Owulo íni ɛkɛnɩ ebiyekʋ̃.”—Yikile 21:4

Kɛ ɩkɛyɛ na yeanyia elelɛdɩyɛ nɩ zʋ mfasʋ a?

• 1 Dwɔɔnʋ 1:8, 9

  Sa yɛkʋla yenyia tanɩfakyɛ.

• Hibulumaa 9:13, 14

  Ɩma yɛkʋla yenyia tilewʋwaba mɔɔ ɔnwʋmɔ tɩ wɔ Nyamɩnlɩ yɩ anyunu.

• Wulomimaa 6:23

  Ɩma yenyia nnwʋanlɩ mɔɔ íni awielɩyɛ nɩ nwʋ anyɩnlɩlazʋ.

• Galatiyiamaa 2:20

  Akyɛdɩ mɔɔ mɛyɩ yɛ lɛ elelɛdɩyɛ nɩ ɩda yɩ ali kɛɛ, Gyehova ɩ nɩɩ Gyisɛsɩ munwala bɔdɔ yɛ baaba paa.

‘Nyamɩnlɩ ɩvalɩ yɩ Ɣa ɔkʋ̃tɩnyɩɩ nɩ ɩmanlɩ, ama abiyela mɔɔ ikele yɩ ikeli nɩ ianyia nnwʋanlɩ mɔɔ íni awielɩyɛ.’—Dwɔɔnʋ 3:16

Elelɛdɩyɛ nɩ mɔɔ ɩdɩ Nyamɩnlɩ yɩ akyɛdɩ nɩ, kɛ ɩkɛyɛ na yeahile kɛɛ yɛ anyɩ ɩsɔ yɩ a?

• Dwɔɔnʋ 17:3

  Nwʋ́ Gyehova nɩɩ Gyisɛsɩ bʋwɔ, na sumazuma bɛ.

• Luuku 22:19

  Kɔ́ Gyisɛsɩ yi owulo nwʋ ɛhakɛlɛlilɛ nɩ be ɔlʋbɔ bela.

• Dwɔɔnʋ 3:36; Gyemisi 2:26

  Mákã kɛɛ ede Gyisɛsɩ edi la zʋzɔ. Yɛ́ mɔɔ ɩhanlɩ kɛɛ yɛyɛ nɩ.