“Awuvʋlɔ bézi dɩyɛ bela.”—Ecclesiastes 9:5

Sɛ yewu a, mɩnla yɛ ɩtʋ yɛ a?

• Psalm 146:3, 4; Ecclesiastes 9:6, 10

  Sɛ yewu a, yɛánwʋ dɩyɛ bela, yɛádɩ odwokɔ, na yɛáhʋla yɛdwɩ̃.

• Dwɔɔnʋ 11:11-14

  Gyisɛsɩ ɩvalɩ owulo idindianlɩ nna nwʋ.

“Naasʋ̃ baaba nɩɩ tanɩ nwʋ nnimidi owudo mɛyɩ, íni kɛɛ edi ebiye, sianti yɛ lɛ kɛɛ eɣile mɔɔ ekeli ebiye nɩ, owulo yɛ okowu a.”—Genesis 2:17

Mɩnla ti mɔɔ yewu a?

• Genesis 3:1-6

  Setanɩ ɩákã nɔhʋanlɛ mɔɔ ɩfalɩ mɔɔ ɩkɔdʋ Yifi nɩ nwʋ sɛ ibu Nyamɩnlɩ yɩ mmɛla zʋ a. Adamɩ nɩɩ Yifi bɛátiye Gyehova, meti bɛyɛlɩ tanɩ na bowuli.

• Genesis 3:19

  Adamɩ iwuli yɩ mɛda nɩ, nɩ ɩ́da azɩ dɔkʋ̃.

• Wulomimaa 5:12

  Tanɩ ɩdɩ kɛɛ adimakɛlɛ ngyɛpɛlɛ be mɔɔ yenyia wɔ yɛ awʋvʋlɔ mɔɔ beli bɔmʋnlɩ nɩ bɛ ɛkɛnɩ. Bɔwʋlɩ ye munwatĩĩ wɔ tanɩ nu, na eyi ti mɔɔ yewu yɩ a.

• 1 Kɔlɛntɩmaa 15:26

  Bayɩbʋlʋ nɩ ɩfɩlɛ owulo kɛɛ tamvʋlɔ.

“Sɛ enii iwu a, ɩkɔhʋla ɩkɛɣa nnwʋanlɩ nu dɔkʋ̃ a? Mɩkɛlɩkɛ . . . kɔbʋmɩ kɛɛ mɩ elelɛ ɩkɛɣa.”—Job 14:14

Mɩnla ɔhʋanɩ zʋ yɛɛ nɔhʋanlɛ mɔɔ yɛnwʋ yɛvalɩ awuvʋlɔ bɔ nwʋ nɩ ɩma yenyia fanwʋdi wɔ awohwi ndwokɔ nwʋ a?

• 1 Dwɔɔnʋ 4:8

  Abɔnsamɩ sɩnɩ nu ehilehilelɛ nɩ ikua Gyehova nwʋ evinli. Ɩlɛ́ma mmenii bɔkɔnwʋ amanɩyɛ wɔ ɔzɔ ɔhʋanɩ nɩ zʋ kyɩ̃.

• Yikile 4:11

  Mmenii sʋ̃maa bo kunlu ituli awuvʋlɔ nwʋ, meti kɛ ankɩ bɔkɔzʋ̃mɩ Gyehova nɩ, bɔsʋ̃mɩ awuvʋlɔ mfomi. Gyehova yɛɛ ɩdɩ nɔhʋanlɛ Nyamɩnlɩ a, na ɩsɛ kɛɛ yɛsʋ̃mɩ yɩzayɩ nkʋ̃tɩnyɩɩ la.